Mā Marama Fox te kaupapa mō ngā mōtika mauhere i Ahitereiria e ārahi

E ai ki a Marama Fox o te Pāti Māori, nā te kāwanatanga o Ahitereiria i takahi te mana o ngā mauhere i ngā whare herehere i reira.

Kua whakakotahi ai a Fox me ngā kāitorangapū Māori o Rēipa ki t tautoko i ngā whānau kua pāngia e ngā ture manene, kua kii mai, he kino.

Kei te āwangawanga a Frances Hokianga mō tāna iramutu, mō Peina Clarke e noho mauhere ana ki Christmas Island. Kei te tautokohia ia e ngā kāitorangapū Māori e kī ana, kei te takahia ngā mana tangata, ā kāre e aronui nui atu ana a John Key ki tenei take.

Hei tā Marama Fox, “Kua kii mai ia, mena ka whati te human rights i te tangata i te whare herehere me haria aua kōrero ki a MFAT na ratou e whakatikahia.”

Hei ngā rā okioki kā huitahi a Key me te pirimia o Ahitereiria a Malcolm Turnbull mo ngā whare herehere pēnei ki Christmas Island, engari e rangirua ana a Marama Fox.

Hei tā Marama Fox, “Kua whārikihia te whariki whero ki mua i ai, ka whakarite he kai rahi, kia kōrero ratou e pā ana ki ngā hononga i waenga i enei whenua engari mo ngā tāngata i tipu ake i roto i Ahitereiria kua wepuaketia i tēnei ahuatanga.”

Ā tōna wā tātou ka kite mēnā ka whai rongoā te pirimia mo te take nei.