Tūtohu Tairāwhiti - East Coast. Ngā hua 61 - 70 o te 126 mō i rō Ngā Ataata

Ngā hua 61 - 70 o 126

Ngā hua kimi

  1. Video for Kei te hīa ake ai te wiwi Naati ki te kāenga
    Pūrongo

    Kei te hīa ake ai te wiwi Naati ki te kāenga

    Ko ngā Pā Wars o Ngāti Porou kei te tūhonohono anō i ngā uri ki ō rātou marae, otirā ki ō rātou wā kāinga. He mea nui tēnā i runga anō i te mōhio, he tata ki te haurua o taupori o o te iwi nei e noho marara atui ana ki waho o Te Tairāwhiti.

  2. Video for "Kaua e huri tuara ki te mana o Tangaroa"
    Pūrongo

    "Kaua e huri tuara ki te mana o Tangaroa"

    Ko te kai-whakatū i Te Karapu Whakarauora ki Tai o Ngāti Porou, ko Peter Boyd kei whakatenatena i te hunga haere ki tātahi kia whai tikanga i ngā wā katoa. Ka whai tēnei i tāna whakarauora i ngā tāngata e whā i te kauere.

  3. Video for  He rangahau i te waka hourua hei tauira hauora i te ao hou
    Pūrongo

    He rangahau i te waka hourua hei tauira hauora i te ao hou

    Kotahi rau, whā tekau mano tāra ka whakawhiwhia ki a Ngahuia Mita hei taunaki i te rangahau tohu kairangi, e tiro atu ana ki ngā mahi whakatere waka hourua, hei toko ake i te ora. Ko tā Ngahuia Mita he huarahi anō tēnei e aro atu ai ki ngā tini take hauora ki Te Tairāwhiti.

  4. Video for Kei te karanga te reo rāhiri a Hine i Tuhia o te Rangi ki ōna uri
    Pūrongo

    Kei te karanga te reo rāhiri a Hine i Tuhia o te Rangi ki ōna uri

    Ko ngā whakahōutanga ki Te Poho o Hine i Tuhia, te wharekai i Te Poho o Rāwiri Marae ki Tūranga, e tō ana i te whare tawhito rā, e waru tekau mā waru tau te pakeke, ki te ao hōu. Hei tā Charlotte Gibson, te hea o te marae, mā ngā whakahōutanga e whakatū huarahi ki mua.

  5. Video for "Aukatia te taraiwa haurangi a tō hoa, he hautoa"
    Pūrongo

    "Aukatia te taraiwa haurangi a tō hoa, he hautoa"

    He aukati i ngā kaitaraiwa haurangi te whai, arā he tohu reorua e aro pū ki ngā hoa kia mahi ngātahi, kia haukoti atu i ngā hoa haurangi i mua i tā rātau eke ki te huarahi.

  6. Video for Te urunga mai o te rā ki Hikurangi, he āheinga hou
    Pūrongo

    Te urunga mai o te rā ki Hikurangi, he āheinga hou

    Kei te whai a Ngāti Porou kia whanake ai te ohanga o Te Tairāwhiti i ngā ahumahi tāpoi, arā, kei te whakatūwhera i te ara mā ngā tūruhi ki tō rātau maunga tapu o Hikurangi.

  7. Video for Auahi kore, koinei te tohe a ngā tauira o te kura o Kaiti
    Pūrongo

    Auahi kore, koinei te tohe a ngā tauira o te kura o Kaiti

    Nā te kura o Kaiti ki Tūranganui a Kiwa te wero, kia auahi-kore ai te rohe toa tāuhi o Kaiti. Kua tutuki, arā ināianei ka kawea atu te tauira ā-hapori nei ki te Hui Hauora a Ngā Iwi Taketake o te Ao, ka tū ki Rotorua ā tērā tau.

  8. Video for Me pēhea rā e whakatika ai te pūnaha ture ki Aotearoa?
    Pūrongo

    Me pēhea rā e whakatika ai te pūnaha ture ki Aotearoa?

    Kei te whakarongo atu a Te Uepū Hāpai i te Ora ki ngā kōrero a hapori ki Te Tairāwhiti, arā hei tā Julia Whaipooti o te rōpū rā, koia tētahi o ngā rohe e kaha pokea nei e pūnaha ture.

  9. Video for He āheinga hou ki ngā kaiwhakatipu tarukino
    Pūrongo

    He āheinga hou ki ngā kaiwhakatipu tarukino

    He ara e wātea ana ki te hunga whakatipu rauhea kia tomo atu ki te ahumahi rongoā. E whai ana tēnei i tā te Kāwanatanga whakamana i te pānuitanga tuarua o te pire tarutaru hei rongoā.

  10. Video for He kaipuoro, he kaitōrangapū e rea ake nei
    Pūrongo

    He kaipuoro, he kaitōrangapū e rea ake nei

    Kua kōwhiria a Pounamu Wharehinga o Te Kura Kaupapa Māori o Horouta Wānanga ki Tūranganui a Kiwa, hei māngai ki te Paremata Rangatahi o Aotearoa.

  11. Whakaatu hua anō

Pages