Tūtohu Rotorua. Ngā hua 31 - 40 o te 235 mō i rō Ngā Ataata

Ngā hua 31 - 40 o 235

Ngā hua kimi

  1. Video for Ngā whakataetae maitā mo Te Ika a Māui ki Rotorua
    Pūrongo

    Ngā whakataetae maitā mo Te Ika a Māui ki Rotorua

    Ko Daniel French he uri nō Ngāpuhi engari kei Ōtākou e tākaro ana i te hākinakina maitā, koia tētahi kua noho hei kanohi mo Aotearoa ki roto i tēnei hākinakina, ā, i tae ki ngā whakataetae maitā o Te Ika a Māui ki Rotorua i ēnei rangi okioki. I toa tōna tīma takiwha ki tēnei whakataetae, ā, e whakarite ana rātou mo te whakataetae ā motu hei tērā wiki.

  2. Video for E tipu ana te whutupōro rīki ki waenga i te rangatahi
    Pūrongo

    E tipu ana te whutupōro rīki ki waenga i te rangatahi

    I tū te whakataetae rangatahi whutupōro rīki ki Rotorua i ēnei rangi whakatā. Toru tekau ngā tīma i rēhita mai, kua piki ake tērā tatau mai te tau ka huri, rua tekau ngā tima i rēhina mai, i pēnei na runga i te whakauruhanga i tētāhi wāhanga mo ngā kōtiro kei raro iho i te tekau mā whitu tau.

  3. Video for He hopuni ohotata mō te rawakore ki Rotorua
    Pūrongo

    He hopuni ohotata mō te rawakore ki Rotorua

    He whare āhuru mō te rawakore ka whakatūwheratia ki Rotorua a tērā wiki. Ka whakangāwari a Sanctuary Manaakitanga i ngā taumaha kei ngā kāinga kore i ngā mārama o te Hōtoke.

  4. Video for Te Arawa River Trust awaiting results of SFO investigation
    Pūrongo

    Te Arawa River Trust awaiting results of SFO investigation

    Ko tā Eugene Berryman-Kamp, tumu whakarae o te pōari awa o Te Arawa i mau tonu rātou ki to rātou mana, ahakoa te whakatewhatewha a te tari hara taware ki runga i te heamana, kaitiaki o te pōari a Roger Pikia.

  5. Video for Hikoi mo te hunga noho kore kainga
    Pūrongo

    Hikoi mo te hunga noho kore kainga

    Ko te tūmanako o ngā kaiwhakahaere o te hīkoi ma te hunga kainga kore i Rotorua ka tū tētahi whare i ngā pō mo taua taone. Kua kotahi atu ngā tāngata kotahi rau neke atu ki taua tāone mo te hīkoi pēnei i ngā mema o te rākau whakamarumaru me ngā pirihimana.

  6. Video for He whakahau kia whakatūhia tētahi whakamarumaru mō te hunga kāinga kore i Rotorua
    Pūrongo

    He whakahau kia whakatūhia tētahi whakamarumaru mō te hunga kāinga kore i Rotorua

    Kua whakakao atu te hapori o Rotorua ki te whakahau i te kaunihera me ngā ratonga hauora, kia whakatūhia tētahi whakamarumaru mō te hunga kainga kore i a tātau e whakatoitoi atu ana ki te hōtoke.   

  7. Video for Kia tipu te ōhanga ki ngā rohe koira te whainga
    Pūrongo

    Kia tipu te ōhanga ki ngā rohe koira te whainga

    Kotahi piriona tāra kua whakapūmautia e te kāwanatanga hei whakawhanake i te taha ōhanga ki ngā rohe i roto i ngā tau e toru e haere ake nei. Heoi, mo te hunga kei Te Moana a Toi kāore rātou e rata ana ki ngā tūranga huarākau kiwi, me te whakahau kia whakarahi ake ngā tūranga mahi pūmau.

  8. Video for Te noho kore kainga, whare, mate hinengaro ngā kaupapa nui mo Rotorua
    Pūrongo

    Te noho kore kainga, whare, mate hinengaro ngā kaupapa nui mo Rotorua

    Te noho kore kainga, ngā whare me ngā kaupapa o te mate hinengaro koinei ētahi o ngā wāhanga e hiahiatia nei e te hunga o Rotorua kia whai hua ki roto i te tahua pūtea a te kāwanatanga i tēnei Rāpare.

  9. Video for Kapa Rūruhi Waka Ama o Aotearoa e rite ana mo te whakataetae o te ao
    Pūrongo

    Kapa Rūruhi Waka Ama o Aotearoa e rite ana mo te whakataetae o te ao

    He mētara koura te whai a te kapa rūruhi o Aotearoa e ono tekau tau te kaumatuatanga ki te whakataetae a ao ki Tahiti-nui hei te Hōngongoi. I ēnei rangi okioki i te whakaharatau rātou ki Rotoiti.

  10. Video for Kua aukatihia tētahi Māmā nō Rotorua i ōna tama ki te mahi i te huarākau Kiwi
    Pūrongo

    Kua aukatihia tētahi Māmā nō Rotorua i ōna tama ki te mahi i te huarākau Kiwi

    Ko te whakahau mai a Levi Leathers o Rotorua, ahakoa kotahi mano, rua rau ngā mahi kei te wātea ana ki raro i te huarākau kiwi. Kua aukatihia e ia i ana tama mai ērā tūranga na te mea kāre e taurite ngā pūtea ki ta te mahi.

  11. Whakaatu hua anō

Pages