Tūtohu Ngāti Porou. Ngā hua 1 - 10 o te 77 mō i rō Ngā Ataata

Ngā hua 1 - 10 o 77

Ngā hua kimi

  1. Video for Ko Haumaru Wai ka mahitahi me te Māori ki te whakarauora tāngata
    Pūrongo

    Ko Haumaru Wai ka mahitahi me te Māori ki te whakarauora tāngata

    Neke atu i te 20 ōrau o ngā toromitanga katoa, he Māori. Hei huri i te tai, e mārama ana te ohu Haumaru Wai o Aotearoa, ko te mahitahi ki te Māori te matua. Hei tautoko i te kaupapa, nā te Kaporeihana Awhina Hunga Whara te kotahi miriona tara i tuku ki a Haumaru Wai, ki te whakatauira i te kaupapa hei ngā tau e rua.

  2. Video for He whakarauora i te reo ake o te Wīwī Naati
    Pūrongo

    He whakarauora i te reo ake o te Wīwī Naati

    Hei te wiki nei tū ai he wānanga reo ki te rohe e rangona ai te kōrero, 'Kei te aha', ka mutu, ko te whainga he whakarauora i te reo ake o Ngāti Porou kia toitū tonu ai. I whai wāhi atu tā tātau karere a Te Kuruotemarama Dewes ki tētahi o ngā kaupoi tūturu o Ngāti Porou, arā ki a Pāpā Morehu Te Maro, ki te hopu i ōna whakaaro mō te reo.

  3. Video for He wetewete i ngā mate pāpouri e ngau ana i ngā tāne Māori
    Pūrongo

    He wetewete i ngā mate pāpouri e ngau ana i ngā tāne Māori

    Nō te rironga atu e tōna tuāhine, e tōna hoa anō hoki, ki te mate pōuriuri, ko Travis Tawera hoki tērā i te pari o te rua. Heoi, kua whakamāui ake i a ia anō, me te aha, kei te hāpai atu a ia i ngā tāne Māori maha kia wetewete i ngā āhuatanga o te pāpouritanga me te anipā mā roto tonu i ngā mahi aruaru poaka me te hī ika.

  4. Video for Waiapu apu whenua: He moni tautoko kia toitū ai
    Pūrongo

    Waiapu apu whenua: He moni tautoko kia toitū ai

    E rima miriona tāra kua rāhuitia i te kete Kotahi Piriona Tāra a te Karauna, hei hāpai ake i ngā mahi whakarauroa taiao i te rohe o Waiapu, koia ko te awa e kaha horo haere ana i Te Tairāwhiti.

  5. Video for He hurahura i te reo ake o Ngāti Porou
    Pūrongo

    He hurahura i te reo ake o Ngāti Porou

    He whakaaturanga ā-ipurangi hou nā Te Reo Irirangi o Ngāti Porou, arā, ko "He Aha Tō Say", e whakakao ana i ngā kaikōrero taketake o Ngāti Porou hei rauemi whakarauora reo mō te iwi.

  6. Video for He whakawhanake i ngā pukenga taraiwa motokā kia whai tohu
    Pūrongo

    He whakawhanake i ngā pukenga taraiwa motokā kia whai tohu

    Ko Tairāwhiti, Taiwhenua, Taiako he hōtaka whakawhiwhi raihana i te Tairāwhiti, e tautoko ana i ngā whānau atu i Matakaoa ki Te Wairoa. Me te aha, he ara hoki mō rātau kia whai mahi, kia hāpai ake hoki i ō rātau hapori ake.

  7. Video for He whakatairanga i Te Reo i ngā mahi tāpoi
    Pūrongo

    He whakatairanga i Te Reo i ngā mahi tāpoi

    He kūia nō Ngāti Porou, ko Hinetu Dell te kanohi o te whakatairanga hou a Tapoi Aotearoa e kīa nei ko 100% Pure Welcome. Ko tētahi peka o te whakatairanga, he kaupoi taiohi nō Tokomaru, ā, e urutā ana i ngā pae pāpāho pāpori.

  8. Video for He whakamana ā-ture nei i ngā rohe moana o Ngāti Porou
    Pūrongo

    He whakamana ā-ture nei i ngā rohe moana o Ngāti Porou

    Kei te whakaeke atu a Ngāti Porou ki Paremata mō te pānuitanga tuatoru o te pire o Ngā Rohe Moana o Ngā Hapū o Ngāti Porou, arā, koia nei te tuatahi o ngā pire i raro i te Ture Takutai Moana 2011.

  9. Video for He kaitieki tai e whakakī ana i ngā tapuwae o Paikea
    Pūrongo

    He kaitieki tai e whakakī ana i ngā tapuwae o Paikea

    He rohe noho patata ki te moana ina ko te eke ngaru, te kaukau me te hii ika etahi o ngā mahi parekareka engāri  tēra ano ōna morearea inā he tuatahitanga mō Ngāti Porou ki te whakatere waka hauora me āna ika tauhou tekau mā waru ki tō rātou karapu.

  10. Whakaatu hua anō

Pages