I tū te hui ōkawa mō te whakatūwheratanga o te whare hōu o te wāhanga hinengaro hauora ki te hōhipera o Middlemore e kīa nei ko Tiaho Mai. He wāhanga ka āta tiaki i ngā tūroro ka pāngia e te mate hinengaro, mō te hunga i ahu mai nā i Ōtāhuhu ki Te Paina, Kaiaua ki te riu o Waikato.
Tūtohu Ministry of Health. Ngā hua 11 - 20 o te 29 mō i rō Ngā Ataata
Ngā hua 11 - 20 o 29
Primary tabs
Ngā hua kimi
-
He kaiawhina i eke ki te rima tekau ngā tau ki te hōhipera o Middlemore
I tīmata a Ivy Tauhinu hei kaimahi ki te hōhipera o Middlemore i te tau tahi mano, e iwa rau, e ono tekau mā iwa. Taka rawa mai e rima tekau tau kei konā tonu te uri o Ngāti Whakaeke e puku mahi tonu ana. Nā whai anō te whakamānawa ake a ōna rangatira o te Poari Hauora o Manukau Whānui.
-
Ko te oati a te Pirimia ka whakapai ake te kāwana i te hauora o te Māori
E ai ki te Pirimia ko te whakapai ake i te hauora o te Māori tētahi o ngā aronga matua a te kāwanatanga. Koia tāna i te whakawātanga a Te Taraipiunara o Waitangi kei Ngāruawāhia hei rongoā i te tītaha o ngā hua ki te Māori i te ao hauora.
-
Ko tā tētehi ratonga hauora Māori i Te Waiariki, he kaikiri te Manatū Hauora ki ngā ratonga hauora Māori
E ai ki te Kaiwhakahaere o tētahi Ratonga Hauora Māori ki Te Waiariki, i whakatūria ngā ratonga hauora Māori kia hemo tonu atu. Ko tā Janice Kuka o Ngā Mataapuna Oranga ki te pakirehua o Te Taraipunara o Waitangi, kāore ngā rauemi i riro i a rātou i rite ki te nui i riro i ngā ratonga auraki.
-
Ko tā Taitimu Maipi me whakahokia te mana ki te iwi Māori.
I timata te wāhanga tuatahi o te kerēme Wai 2575 ki runga ō Turangawaewae Marae i te rā nei. E rua rau mā whitu ngā kaikerēme e whai i te rapunga me te wawata kia panonitia te punaha e taea te Māori te whakaora i te Māori.
-
He waerenga i te kāri, hei whakawātea i te hinengaro.
Ko ngā painga o te puta ki waho i te whare mō te hinengaro o te tangata, te ketuketu a ngā rōpū hauora hinengaro. Kua tuwhera ake i a rātou tētahi kaupapa māra kai mā ngā kainoho o te rori o Blacklock i Waipareira, me kore noa e puta he oranga i te kōrerorero i ō raruraru ki tētahi atu.
-
He rautaki hou hei whakakore i ngā mahi tūkino
He huinga tumu whakarae tūmatanui e hiki ake ana i te haepapa kia kaupare atu i ngā mahi tūkino whānau me te pāwhera ki Aoteroa. He kawenga tūhono tēnei nā te hēkeretari tuarua a te Minita Take Ture a Jan Logie i pānui atu i te hui ā tau a Te Rōpū Wāhine Toko i te Ora, ki Tūranga Nui a Kiwa.
-
He whakaaetanga mā ngā Neehi, te Manatū Hauora me ngā Poari Hauora ā Rohe
He whakaaetanga kua tutuki e mahi tahi ai ngā Poari Hauora ā motu, Te Rōpū Neehi rātau ko Te Manatū Hauora, e tau ai te rahi o ngā neehi me ngā tapuhi whakawhānau.
-
Me kaha te tāne Māori ki te whakapakari tinana
He rangahau hōu e whāki nei i te pūtake o te whakāro tāne Māori mo te whakapakari tinana. Ko tā Tākuta Isaac Warbrick kōrero i whakatōmene ai ia, he aha te take kua kore he whakahihiko to te tāne Māori ki te whakapakari tinana.
-
He tūtūnga puehu te mahi a ngā nēhi o Aotearoa
Kei te tutū te puehu a ngā nēhi i a rātou e hikoi tahi ana mo ngā take wāhi mahi. Tekau ma rima ngā taone nui i kitea i te rahi o ngā Nēhi e porotū ana hei whakamana hoki i te kaupapa, te rā Nehi o te Ao.
