Tūtohu Māori. Ngā hua 1 - 10 o te 367 mō i rō Ngā Ataata

Ngā hua 1 - 10 o 367

Ngā hua kimi

  1. Video for Ka tūwhera te pāmu pīpī paopao hōu ki Waikato
    Pūrongo

    Ka tūwhera te pāmu pīpī paopao hōu ki Waikato

    E hia rau ngā tāngata i whakarauika atu ki te whakatūwheratanga o te pāmu pīpī paopao hōu o Cobb-Vantress ki Rangiriri, i te riu o Waikato. I pōwhiritia atu te perehitini rātou ko ngā kaiwhakahaere nō tāwāhi e te haukāinga hei taunaki i tā rātou hoahoatanga hōu.

  2. Video for Ko ngā whakahē mō te mahi porotū a ngā tākuta teina
    Pūrongo

    Ko ngā whakahē mō te mahi porotū a ngā tākuta teina

    Kei te whakahē te Kaiwhakahaere o te Whare Hauora o te marae o Papakura i te mahi porotū a ngā tākuta teina kia pai ake ai ā rātou tikanga mahi. E ai ki a Tākuta Rawiri Jensen ko te manaaki i te tūroro te mea nui.

  3. Video for Ka tū te hui whakamaharatanga o te pōautinitini tuatahi ki tētehi marae i Tāmaki Makaurau
    Pūrongo

    Ka tū te hui whakamaharatanga o te pōautinitini tuatahi ki tētehi marae i Tāmaki Makaurau

    Ka whakaemi ngā hapori Hūrai, tauiwi anō hoki ki ngā huinga hurinoa i te motu i tēnei Te Rā Whakamahara Pōautinitini o Te Ao. Mō te wā tuatahi ka tū ngā whakamaumahara i Tāmaki Makaurau ki te marae o Te Wānanga Aronui o Tāmaki Makaurau.

  4. Video for Ko ngā take whare ā-hapori te pūtake e tono ana a Tamihere hei koromatua mō Tāmaki Makaurau
    Pūrongo

    Ko ngā take whare ā-hapori te pūtake e tono ana a Tamihere hei koromatua mō Tāmaki Makaurau

    Kei te hono ngātahi ngā minita o mua nō ngā rōpū āpitihana tōrangapū, a John Tamihere rāua ko Christine Fletcher hei tira hoa mō te tūranga koromatua o Tāmaki Makaurau. I puta te whakatau a te tokorua rā, arā, ka noho te minita o mua o te Pāti Nāhinara a Fletcher, hei tuarua mō te minita o mua o te Rōpū Reira a Tamihere.

  5. Video for E werohia ana te kāwanatanga kia whakakorengia te nama utu-kura
    Pūrongo

    E werohia ana te kāwanatanga kia whakakorengia te nama utu-kura

    Kei te karanga atu anō Te Uepu mō Ngā Tumuaki o Aotearoa kia whakamana ai te kāwanatanga i tana kī taurangi ki te tuku putea tautoko ki ngā kura utu nama kore ki ngā mātua. E whai ana tēnei i te āwangawanga o ngā iwi kāinga ki te tonga o Tāmaki e noho toimaha ana i aua nama.

  6. Video for "I te kūware ahau ki tōku whakapapa" - nā Bev Wiltshire-Reweti
    Pūrongo

    "I te kūware ahau ki tōku whakapapa"- nā Bev Wiltshire-Reweti

    Kei te toro atu ngā ringa o te kai-kōkiri i te tono Wai 2575, ki ngā uri Māori i pākia i raro i te ture Atawhai Tamariki o te tau rima tekau ma rima. Ko te whakapae a Bev Wiltshire-Reweti, i matekiri ngā kaupapa here me ngā tikanga a te karauna ki te tiaki tika i ngā tamariki Māori, ā nā whai anō, ka whati i ngā mātāpono o te Tiriti o Waitangi.

  7. Video for He Aitua: Ka hinga te Pā Whakawairua a Wally Hayward
    Pūrongo

    He Aitua: Ka hinga te Pā Whakawairua a Wally Hayward

    E rere kau ana ngā mihimihi me ngā poroporoāki ki te Pā Whakawairua ki a Wally Hayward nō Ngāpuhi, e waru tekau mā whā tau te pakeke. He pou whakatū i Te Hāhi Māori Kauwhau i Te Rongopai, he Minita hoki i ngā whareherehere a Hayward i mate i te Rāapa, whai muri i tōna pānga ki te roro īkura.

  8. Video for Ka whiwhi mahi te haukāinga i te pāmu pīpī paopao e whitu mīriona tāra ki Waikato
    Pūrongo

    Ka whiwhi mahi te haukāinga i te pāmu pīpī paopao e whitu mīriona tāra ki Waikato

    E kaha tautoko ana ngā marae tōpū o Waikato arā, Ngā Muka Development Trust me Waahi Whānui i tētahi pāmu pīpī paopao ka tukua ki te tekau ōrau o te mākete heihei i te ao, e tū ana ki Whangape, tata ana ki Rāhui Pōkeka. Hei tā te heamana o Ngā Muka, hei tā Glen Tupuhi, ko te painga atu, he mahi mō te haukāinga.

  9. Video for 2019 Ko te tau mō ngā reo iwi taketake o te ao
    Pūrongo

    2019 Ko te tau mō ngā reo iwi taketake o te ao

    Ka whakatauria e Te Kotahitanga o Ngā Whenua o Te Ao, koinei te tau hei pupuru, hei whakarauora, hei whakatairanga i ngā reo o ngā iwi taketake o te ao. E ai ki tētahi mātanga reo Māori, e ai ki a Tawhirimatea Williams, kei te kāinga kē te orokohanga o te whakarauoratanga o ngā reo katoa.

  10. Video for He Pātaka Kai hōu hei whāngai i ngā ratonga whakahiato ora me Oranga Tamariki
    Pūrongo

    He Pātaka Kai hōu hei whāngai i ngā ratonga whakahiato ora me Oranga Tamariki

    He Pātaka Kai hōu ki Tāmaki Ki te tonga ka whāngai atu i te hapori ki ngā ratonga o te Manatū Whakahiato Ora, Oranga Tamariki me ngā kai, rawa hoki mō te utu kore. E ai ki te kaiwhakatū takirua e a ki a Liz Kiriona, he tuatahinga tēnei hei āwhina i te maha o ngā hiahia o te hapori.

  11. Whakaatu hua anō

Pages