Kei te aronui a Ngāti Naho Kaitiaki ki te hanga rautaki kaitiaki hei tauwhiro i ngā Pā Tūwatawata o Rangiriri, o Te Wheoro, otiā ngā whenua o te riri i whakahokia ki te iwi o Waikato-Tainui i te rua mano tekau mā ono. Wheoi, mai i tāua wa kua tīwekaweka ngā whenua rā.
Tūtohu Kiingitanga. Ngā hua 1 - 10 o te 19 mō i rō Ngā Ataata
Ngā hua 1 - 10 o 19
Primary tabs
Ngā hua kimi
-
E kōkiri ana a King Tuheitia ki te whakakotahi i ngōna iwi i te Poukai ka tū ki te marae o Horahora.
Kua whakatōpū a Kiingi Tuheitia Potatau Te Wherowhero VII rātou ko ngā kaitiaki o Te Kiingitanga ki te huinga ā-tau tua waru tekau mā rima te Poukai e tū nei ki te marae o Horahora i te rangi tuatahi o te tau hōu Pākehā.
-
He huihuinga taonga kāore e kaha kitea a Kiing Tuheitia ka whakaatu atu ki te ao
He huihuinga taonga nō roto mai o te kāhuinga taonga o Kiingi Tuheitia Pootatau Te Wherowhero VII ka whakaatu atu ki te ao mō te wā tuatahi ā tērā wiki ki Tāmaki Paenga Hira. He uaua te kite i ngā taonga rā i waho o te Kīngitanga, otia, he whakaaturanga tūhono tēnei e kī ana Te Paki o Matariki: 160 years of Kiingitanga, hei whakatairanga i te ekenga ki ōna tau rā.
-
Ka whiua ngā whakahē ki te pouhāpai o mua o te Kiingi e ngā pononga
Ko tētahi o ngā tino uepū Māori ā-motu kei te rongo i ngā whakawhiu a te hunga pāpāho. Kua kotahi rau, e ono tekau tau te Kiingitanga e tū ana, ā, hei ngā rā okioki whakanuia ai te tau tua ngahuru mā rua o te noho a Kiingi Tuheitia Potatau Te Wherowhero te tuawhitu ki te ahurewa tapu o ōna mātua tūpuna. Heoi, ko tōna mana, kei te werohia.
-
Peeni Henare reflects 12-years since death of Māori Queen
Koianei te rā, i ngā tau tekau mā rua ki muri, i mate atu ai Te Arikinui, a Kahurangi Te Atairangi Kaahu. Ko tā te mema pāremata Māori o Tamaki Makaurau, he whakahoki mahara ki Te Arikinui, he arotake hoki i te Kingitanga i ēnei rā. Nāna te whāruarua o tōna matua i whakakapi hei mema o Te Tekaumārua.
-
E kōkiri ana a Tuku Morgan me heke iho te tangata i te pūtake o te whakatewhatewhanga a Te Tari Hara Tāware
Tērā te karanga ki te tangata kei te pūtake o te whakatewhatewhanga a Te Tari Hara Tāware ki te Tari o te Kīngitanga, me heke ki rahaki ināia tonu nei kia tau rā nei te whakatewhanga. Koia rā te whakatau a Tūkoroirangi Morgan, kai-tohutohu ō-mua ki a Kīngi Tūheitia.
-
Ka whakahōnore ngā kaitiaki o Te Kiingitanga i tētehi Mokopapa
Ki te riu o Waikato, ki Ngāruawāhia, kua whakatōpū te tini ngerongero ki te taurima e rua rā o K160, kia whakarewa ai i ngā whakatairanga o te tau, mō te orokohanga o Te Kiingitanga i ngā tau kotahi rau e ono tekau ki muri. Mō ngētehi he whai i tētahi huarahi hou, kia titia te kaupapa mana nui nei ki te kiri mō ake tonu atu.
-
Ka whai ngā uri o Pikiao i tōna takahanga ki tōna Pā tawhito ki te maunga o Taupiri
Kei te whai atu ngā uri o te rangatira nō Te Arawa a Pikiao i ōna tapuwae ki tōna kainga tūturu a te maunga tapu o Taupiri. Koinei te wā tuatahi i kitea ai ēnei uri i taua kainga mai i tana taenga atu i ngā tau ono rau ki muri.
-
Ka hoki te kaiārahi o Nāhinara ki tōna marae
Kua tū te rā ki a Simon Bridges, kaiarahi o te pāti Nāhinara, ki te poukai ki Ngāti Maniapoto i tū ki tōna marae kāinga ki roto o Te Kūiti.
-
E īnoi atu ana te Kiingi Māori mō ngā tākoha hei āwhina i te motu o Tonga
E karanga ana te Kīngi Māori kia tuku koha ki a Tonga e noho pōkaikaha tonu ana mai i ngā pānga kino o Huripari Gita. Kātahi anō te tama o Kiingi Tuheitia Paki Te Ariki Tamaroa kua hoki mai i Tonga. Ināianei kua puare ngā tatau o Waahi Pa kia taea e te tangata te tuku koha ki ngā tāngata o Tonga.
