Kāore e roa ka wehe atu te kapa Ō Pango Māori me te kapa Mamaku i te hau kāenga ki te whakakanohi i tō tātau whenua i roto i te hākinakina matua o te motu ki te kāenga o te whutupōro amerikana, arā, ki te NFL. Tuki atu ai ngā kapa e rua nei ki ngā kapa Eagles hei te Whiringa-a-nuku, me te aha, he whai wāhitanga nui tēnei ki te whakakite i ngā pūmanawa o te kaihākinakina Māori ki te aroaro o te ao.
Tūtohu Hākinakina. Ngā hua 21 - 30 o te 63 mō i rō Ngā Ataata
Ngā hua 21 - 30 o 63
Primary tabs
Ngā hua kimi
-
Trans-Tasman Indigenous series tips off
E haere ake nei ko te tuarima o ngā tukinga poitūkohu ā-tau i waenga i ngā hoariri mauroa, i te kapa taketake o Ahitereiria me te kapa Māori o Aotearoa, ki te whare o Te Awamutu Events Centre. I te whakamahana te kapa hau kāenga i te rangi nei ki Te Awamutu, ā, tāria te wā whakatūria ai te puehu e ngā kapa taketake nei.
-
Boxer Cairo ready to take down gate-keeper
E auraki ana te kaimekemeke o Tainui, a Cairo George ki te papa mekemeke ki Singapore i te te tukinga atu ki a Robert Kopa Palue i te whakataetae Roar of Singapore 5. E ai ki a George ki te hinga i a ia te kaiwhawhai o Initonīhia ka tuwhera ngā tatau ki ngā kaimekemeke toa o te ao.
-
Ko te rangi te taumata nui o te reo Māori
E haere tonu ana te aruaru i ngā mumu reo hai whakanui i Te Wiki o Te Reo Māori. Ā, i te rangi nei i tūtaki ai tātau ki a Ranginui Rikirangi-Thomas, kaiako Reo Māori, hākinakina hoki, e whakapau kaha ana kia whai wāhi mai te reo Māori ki tana kura auraki.
-
Ko te raupātanga o te ngutu me te arero te paraoa me te pata o nāianei- Mataia Keepa
Hei whakanui i te wiki o Te Reo Māori e aru ana mātau i ētahi o ngā toa o te taua reo e hāpai nei i te whakamahia o te reo i ngā mahi hākinakina. E mōhiotia whānuitia ana te kanohi o te Mataia Keepa ki te papa whakatū waewae, engari ko tōna reo e iere ana i ngā iarere o te pouaka whakaata.
-
Takairangi takes another step closer to NRL dream
E pīataata ana ngā whetū o te whakataetae rīki ā-motu mō ngā kura tuarua i mua i ngā kaiwhakataritari o te NRL. Ā, kua whai wāhi tētahi o ngā kaitākaro kua kirimanatia ki te kapa Sydney Roosters ki te whakakite i te take kei ngā taumata ikeike ia e noho i tēnei whakataetae.
-
Boxing NZ grants Garton dispensation
E tukuna ana a Mekemeke Aotearoa i te kaiwhiwhi i te mētara rauwhero, i a Troy Garton te wā kia whakarite a ia mō tētahi whiringa uru ā-ao. Kātahi anō a Garton ka ora mai anō nō muri i te tīhaetanga o te nape i ngā whakataetae Hoa Whenua, ā, kua whakawāteahia a ia kia kakari atu ki te toa o te wāhanga rima tekau mā whitu ki te ono tekau kirokaramu te taumaha, hei te marama e tū mai nei ki Ōtautahi e riro ai i a ia he tūranga i te kapa.
-
Warriors secure finals spot
Kua tāpui te kapa Warriors he tūranga ki ngā whiringa whāiti o te whakataetae NRL nō muri mai i te toahanga ki te kapa Penrith Panthers. Koinei te wā tuatahi kua rongo rātau i kakara o ngā whiringa whāiti nō te tau rua mano tekau mā tahi.
-
Kua hiko anō te uira a Noeline Taurua
Kua arahi te kaiako e hiahiatia ana mō te kapa Rarauhe Hiriwa, a Noeline Taurua i tana kapa Sunshine Coast Lightning ki tō rātau toanga tuarua karapipiti i ngā whiringa toa o te whakataetae Suncorp Super Netball ki Ahitereiria. Hiko ai te uira a Taurua kia hinga te kapa West Coast Fever e 62-59.
-
Steven Adams High School Invitational a pathway to potential OKC Exchange
Nō te wiki kua pahemo ake nei whakahaerehia ai e te pouwaenga o te Oklahoma Thunder, e Steven Adams ana puni whakangungu puta noa i te motu, ā, i whakawāhi hoki a ia i tētahi kōti hou mō ngā hapori rawakore. Nō nā pō nei whakakopani ai ana mahi ki te tukinga o ngā tino kaitākaro o ngā Kura Tuarua o te motu, e whakatairanga ana i ngā tino taitamawahine, taitamatāne me ngā kaiako o te motu.
