Tūtohu Food. Ngā hua 81 - 90 o te 105 mō i rō Ngā Ataata

Ngā hua 81 - 90 o 105

Ngā hua kimi

  1. Video for E whakarite rautaki tētehi Uru Huarākau Huakiwi Māori i te ruarua o ngā kaimahi
    Pūrongo

    E whakarite rautaki tētehi Uru Huarākau Huakiwi Māori i te ruarua o ngā kaimahi

    Kei te whakatikatika rautaki kē tētahi uru huarākau kiwi Māori ki te kimi kaimahi hōu me te whakapae kei tokoiti rawa te hunga hauhake hei te wā o te hauhake hei te marama o Māehe tīmata ai. E ai ki te mema o Te Taratī o Ngāi Tukairangi a Carlo Ellis kia mau tonu ki ngā hua katoa.

  2. Video for Kua puta te karanga ki te kāwanatanga ki te whakatū putea hei whakakore i te noho pōkaikaha a ngā tamariki
    Pūrongo

    Kua puta te karanga ki te kāwanatanga ki te whakatū putea hei whakakore i te noho pōkaikaha a ngā tamariki

    Kei te kōkiri te tumuwhakarae o Whāngaihia te Matekai i te kāwanatanga ki te whakatū tahua putea hei whāngai i ngā tamariki i roto i ngā kura katoa. Otia, kua whakamānawahia te poukōkiri i ngā kai i roto i ngā kura a Laurie Wharemate-Keung ki te tohu New Zealand Order of Merit, mō āna mahi hāpai i ngā tamariki.

  3. Video for Inā te nui o te hiahia āwhina kai a Te Ope Whakaora
    Pūrongo

    Inā te nui o te hiahia āwhina kai a Te Ope Whakaora

    Ehara i te mea ohorere inā te nui o te hiahia āwhina kai a Te Ope Whakaora i te wā kirihimete nei. Koira te whakahau a te heamana o te marae o Te Puea a Hurimoana Dennis. Tōna tekau mā ono mano ngā tamariki i āwhinatia e Te Ope Whakaora, heoi, hei tā Dennis, e pēnei ana te āhua i te maha kē atu o ngā take kei te pēhi i ngā whānau.

  4. Video for Ka tae ā-tīnana atu te Minita o Whānau Ora Minister ki te marae o Ngā Whare Waatea
    Pūrongo

    Ka tae ā-tīnana atu te Minita o Whānau Ora Minister ki te marae o Ngā Whare Waatea

    Ki te tonga o Tāmaki, kua tae ā-tinana atu te Minita o Whānau Ora a Peeni Henare ki te marae o Ngā Whare Waatea i te rā whakamutunga hei tuari pouaka kai, nā te tono a te Kaiwhakahaere o Whānau Ora ki Te Uepu Noho Taone o Manukau i tuku. Kei te hiahia hoki te kaiwhakahaere, a Veronica Henare ki te akiaki i te kāwanatanga kia kaha ake te tautoko ki ngā whānau pōkaikaha i te wā kirihimete.

  5. Video for Ka tākoha atu a Comvita ki ngā rōpū awhina
    Pūrongo

    Ka tākoha atu a Comvita ki ngā rōpū awhina

    Neke atu i te rua rau, rima tekau ngā pouaka mīere, ā, toru rau neke atu ngā kete kai kua tākoha mai tētahi o ngā kamupene mīere manuka nui o Aotearoa ki te tari o te ope whakaora ki Rotorua me te whare hapori tuku kai o Tauranga ko tā te hiahia o Comvita kia tū tēnei mahi ia tau.

  6. Video for E whakaaro ana te Minita Manatū Whakahiato Ora kia whakatū tari iti ki ngā marae
    Pūrongo

    E whakaaro ana te Minita Manatū Whakahiato Ora kia whakatū tari iti ki ngā marae

    Ko te whakatū tari iti o Te Manatū Whakahiato Ora kei te whai whakaarohia e te Minita. He karanga tērā nā te tumu whakarae o Papakura Marae rāua ko te kaiwhakahaere o Whānau Ora ki MUMA. E ai ki a rāua, e whakatauirahia ana taua whakaaro e tā rātou mahi ngātahi ki ngā kai-mahi whakahiato ora hei tuari i ngā pouaka kirihimete ki te huhua o ngā whānau pōkaikaha.

  7. Video for E wero ana te kāwana kia tūwhera ake ngā pūkoro hei āwhina i ngā whānau pōkaikaha hei te Kirihimete nei
    Pūrongo

    E wero ana te kāwana kia tūwhera ake ngā pūkoro hei āwhina i ngā whānau pōkaikaha hei te Kirihimete nei

    Inā te nui o ngā hiahia tē taea te whakatutuki. Koirā te whakahau a te kaiwhakahaere o Whānau Ora ki Te Uepu Noho Taone o Manukau mō te tokomaha o ngā whānau e haere atu ana ki te marae o Ngā Whare Waatea ki te tonga o Tāmaki Makaurau ki te whiwhi pouaka kai. Ko te whakapae a Veronica Henare e hia rau ngā whānau ka noho kai kore tonu hei ngā rā o te kirihimete nō reira me tūwhera te kāwanatanga i ngā pūkoro hei āwhina.

  8. Video for Kia whai wāhi te hapori ki te kūmara te mahi a Kai Rotorua
    Pūrongo

    Kia whai wāhi te hapori ki te kūmara te mahi a Kai Rotorua

    Kei te whai tētahi kāhui whakatipu ki Rotorua kia whai wāhi te kūmara ki roto i to rātou hapori. Nō te Haratua kake ai te utu mo te kirokaramu kotahi ki te iwa tāra. I tēnei rā, neke atu i te kotahi rau ngā tipu kūmara i whakatōhia e Kai Rotorua mo o rātou kaitautoko, Marae, rōpū hapori hoki.

  9. Video for Ka rahi ake a McDs i te reo Māori
    Pūrongo

    Ka rahi ake a McDs i te reo Māori

    He tekau mā iwa tau te pakeke o tētahi kai-mahi ki Makitānara i Kirikiriroa e whētuki ana i ngā tohutohu a tōna kai-whakahaere ki a ia kia kaua e kōrero Māori i roto i taua whare kai. Kei te nui hoki tana pāpōuri i te mea, ko tana hiahia tonu he tautoko i te wiki o te reo Māori.

  10. Video for Ka tūwhera te kāpata kai kore utu tuarua ki Tūranga
    Pūrongo

    Ka tūwhera te kāpata kai kore utu tuarua ki Tūranga

    Kua tae atu te kaupapa pātaka kai kore utu ki Tūranganui a Kiwa ā kei te whakawhānui ake ki te hapori. Na ngā kaitūao o Ngā Ringa Awhina te tuwhera tē pātaka kai tuarua i tēnei rā hei hāpai te rawa kore.

  11. Whakaatu hua anō

Pages