E rangona tonutia ana te wairua o tētahi o ngā tino ringatoi o Aotearoa i nunumi ki te pō i ngā rangi tata nei, e ētahi ringatoi o mohoa nei.
Tūtohu Auckland. Ngā hua 311 - 317 o te 317 mō i rō Ngā Ataata
Ngā hua 311 - 317 o 317
Primary tabs
Ngā hua kimi
-
E hiahia ana ngā Tama Toa i tā rātou ake 'haka'
He haka e whakaakona ana ki te kapa Warriors, e Donna rāua ko Anaru Grant o Te Arawa hei whakatenatena, hei whakateitei i te kapa i tā rātou ekenga atu ki te mura o te ahi NRL ia wiki. He mahi e tautokona ana e ngā kaitākaro, hei haka tautoko hoki mā a rātou kaitaunaki, ā, ka hakaina tuatahitia i te tukinga ki ngā Pīkaokao i te Taiwhanga o Eden, i Tāmaki Makaurau hei te wiki e tū mai nei.
-
Te whakaari 'The Factory'
Ko te whakaari iere porinihia tuatahi e tata ana te tū i ngā whare tapere o Tāmaki, hei kura kite i Te Ahurei Toi o Tāmaki Makaurau ka tīmata ā te wiki e heke mai nei. E huhua ana ngā whetū whakaari o roto, ko Taupunakohe Tocker tētahi, ka mahuta ake i raro i ngā tohutohu a te kaitohutohu waiata, a Tama Waipara.
-
PūrongoMATA HAKA 6: Waka Huia
Ka noho tahi mātou me te tira o Waka Huia i ā rātou e whakarite ana mō Te Matatini.
-
-
He whakapae tūkino kua whiua ki nga Pirihimana
Kei tōna kāinga a Ella Eketone, he tekau mā rima ōna tau, e whakatā nihomore ana. Ko te whakapae ia, i kaha pei ngā pirihimana i a ia i tētahi pāti mohoao i ngā rangi whakatā.
-
He wānanga ahurea Māori mō ngā Warriors
Mā te mōhiotanga, te waiora, te kaha me te whai here ki ōna pūtaketanga e kounga ai te toa hākinakina. Ā koira pū te whai a te karapu Vodafone Warriors inanahi nei, i tae ake ki Waipapa Marae i te puku o Tāmaki Makaurau i runga i te karanga a Te Whare Wānanga o Awanuiārangi, kia whakaakona ai ki ētahi āhuatanga o te reo me ōna tikanga. He mea whakatupu tēnei kaupapa nā te wānanga me Donna Grant, tētahi o ngā mema o te poari o te karapu, kia whakatōhia ai ngā whakamīharotanga o te ao Māori ki ngā kaitākaro.
