Tūtohu Waikato. Ngā hua 1 - 10 o te 209 mō i rō Pūrongo

Ngā hua 1 - 10 o 209

Ngā hua kimi

  1. Pūrongo

    Ko Te Reo Irirangi o Tainui ka whakanui i tana ekenga ki te 30 tau

    Ko Te Reo Irirangi o Tainui i Ngāruawāhia ka whakanui i tana ekenga ki te 30 tau i tēnei wiki. I kōrero mai te kaiwhakapaoho o te reo irirangi nei, a Matutaera Herangi ki Te Ao Māori i roto i āna whakapaohotanga i te whakataetae waka ama ā-motu i te rā nei. Ko tā Herangi, he tuku mihi ki ngā waha reo, arā ki ngā kaiwhakapaoho i te wāhanga o te ata, ki a Womble rāua ko Blossom, ki a Dusty Nepia, ki a Pohewa Tamati, ki a Mamae Takerei, ki a Koroneihana Cooper. Ka whakamārama mai a Herangi i te ahurei o te reo irirangi me tōna hiranga ki roto o Waikato-Tainui i ēnei rā.

  2. Video for Ka maumaharatia ngā kawe mate o Tainui
    Pūrongo

    Ka maumaharatia ngā kawe mate o Tainui

    Ko te whakamānawa, ko te whakamahara ake hoki i te hunga mate te ito o ngā mahi i te marae o Tūrangawaewae i tēnei rā, i te koroneihana tuangahuru mā toru o Kīngi Tūheitia.

  3. Video for Ka tūwhera te pāmu pīpī paopao hōu ki Waikato
    Pūrongo

    Ka tūwhera te pāmu pīpī paopao hōu ki Waikato

    E hia rau ngā tāngata i whakarauika atu ki te whakatūwheratanga o te pāmu pīpī paopao hōu o Cobb-Vantress ki Rangiriri, i te riu o Waikato. I pōwhiritia atu te perehitini rātou ko ngā kaiwhakahaere nō tāwāhi e te haukāinga hei taunaki i tā rātou hoahoatanga hōu.

  4. Video for Ka whiwhi mahi te haukāinga i te pāmu pīpī paopao e whitu mīriona tāra ki Waikato
    Pūrongo

    Ka whiwhi mahi te haukāinga i te pāmu pīpī paopao e whitu mīriona tāra ki Waikato

    E kaha tautoko ana ngā marae tōpū o Waikato arā, Ngā Muka Development Trust me Waahi Whānui i tētahi pāmu pīpī paopao ka tukua ki te tekau ōrau o te mākete heihei i te ao, e tū ana ki Whangape, tata ana ki Rāhui Pōkeka. Hei tā te heamana o Ngā Muka, hei tā Glen Tupuhi, ko te painga atu, he mahi mō te haukāinga.

  5. Pūrongo

    He kore utu ngā tirohanga waha whare tangata i te hui waka ama ā-motu

    Nā te nui o ngā kaihoe wāhine i te Whakataetae Waka Ama o te Motu ki Karāpiro, kua whakatūhia e Cervical Screening Waikato he wāhi taupua e māmā ake ai te haere a te wahine kia tirohia ai rātau mō te mate pukupuku ki te waha whare tangata. 

  6. Video for E hanga rautaki kaitiaki hei tauwhiro i ngā Pā Tūwatawata o Rangiriri
    Pūrongo

    E hanga rautaki kaitiaki hei tauwhiro i ngā Pā Tūwatawata o Rangiriri

    Kei te aronui a Ngāti Naho Kaitiaki ki te hanga rautaki kaitiaki hei tauwhiro i ngā Pā Tūwatawata o Rangiriri, o Te Wheoro, otiā ngā whenua o te riri i whakahokia  ki te iwi o Waikato-Tainui i te rua mano tekau mā ono.  Wheoi, mai i tāua wa kua tīwekaweka ngā whenua rā.

  7. Video for E kōkiri ana a King Tuheitia ki te whakakotahi i ngōna iwi i te Poukai ka tū ki te marae o Horahora.
    Pūrongo

    E kōkiri ana a King Tuheitia ki te whakakotahi i ngōna iwi i te Poukai ka tū ki te marae o Horahora.

    Kua whakatōpū a Kiingi Tuheitia Potatau Te Wherowhero VII rātou ko ngā kaitiaki o Te Kiingitanga ki te huinga ā-tau tua waru tekau mā rima te Poukai e tū nei ki te marae o Horahora i te rangi tuatahi o te tau hōu Pākehā.

  8. Video for Te hanga hopi Taiao e whakanuia nei ki Taupō
    Pūrongo

    Te hanga hopi Taiao e whakanuia nei ki Taupō

    Na te hōhā ki te nui o te pātara hopi i roto i te paepae hangarua o te kāinga ia wiki, ka aro a Daniel Stephen-Kingi, tekau mā rua tau te pakeke, ki te rapu ara hōu. Nā ngā tohutohu a tōna kaiako Para-Kore i huri ai ia ki te hanga hopi taiao.

  9. Video for Ko te mahi ngātahi te matū kia whakawhanake ai te rohe o Waikato
    Pūrongo

    Ko te mahi ngātahi te matū kia whakawhanake ai te rohe o Waikato

    Kotahi rau neke atu ngā kaiārahi o Waikato e āta matapaki ana me pēhea te whakapai ake i ngā take taiao, te ōhanga me ngā hapori i te rohe whānui. Hei tā te Minita Whanaketanga Māori, hei tā Nanaia Mahuta rātou ko aua rangatira Māori mā te mahi ngātahi e whakapuawai ai ngā hiahia o te Māori me te takiwā.

  10. Video for Te Rā hei whakamaumahara i ngā Pakanga whenua Māori o Aotearoa
    Pūrongo

    Te Rā hei whakamaumahara i ngā Pakanga whenua Māori o Aotearoa

    Kua tohu te rua tekau mā waru o Whiringa a Nuku hei rā whakamaumahara i ngā pakanga whenua Māori, heoi e rere ana ngā whakawhitinga kōrero ki Te Awamutu kia kite mehemea koinei te rā tika hei whakahaere i tēnei kaupapa maumahara.

  11. Whakaatu hua anō

Pages