He tauranga nui mō ngā paepae kawe rawa kei te hangaia e Waikato-Tainui ki uta, ki Ruakura, pātata atu ki Kirikiriroa. Nā Kiingi Tuuheitia te oneone i takahuri kia tīmata ai ngā mahi. Ā, hei tā te heamana o Te Ara Taura, hei tā Raahui Papa, hei ngā tau tekau e tata ake nei, ka tū ko tēnei te whakawhanaketanga nunui rawa i Aotearoa, ina whakawhānuihia ki runga i te whā rau, e waru tekau heketea.
Tūtohu Waikato. Ngā hua 71 - 80 o te 207 mō i rō Pūrongo
Ngā hua 71 - 80 o 207
Primary tabs
Ngā hua kimi
-
Kingitanga and Corrections unite to assist Māori offenders
He momo tuatahi rā te waikanaetanga i waenga i te Kiingitanga me te Tari Ara Poutama, ko te ito he patu i te tōaitanga hara, he whakahoki anō i ngā uri o Waikato ki te uma o te Kiingitanga. Hei tā te hekeretari matua o Kiingi Tuuheitia, hei tā Te Rangihīroa Whakaruru, ko te panonitanga rā tēnei o ngā whakahaere a te Kiingitanga i roto i āna whiriwhiri take, me te Kāwanatanga.
-
King Tuheitia attends Poukai
Mō tōnā wā tuatahi mai i tana hāparapara tākihi kua haere tuatahi atu te Kīngi Māori ki te huinga poukai o te wā, ki Maurea Marae. He hura rākau whakairo, ā, e tekau mā toru hoki ngā wāhine i whiwhi moko kauae, tokorua ngā tāne i whiwhi mataora hei whakahōnore i ngā tau tekau a Kingi Tuheitia.
-
Waikato triumphant in Māori league finals
Ko te kapa o Waikato ngā toa whakaihuwaka i te tohu whakamahara i a Lummy Newton, mō te wāhanga Waka i te whakataetae rīki Māori ā-motu mō tēnei tau i tū ki Wainuiomata. Nā Waikato a Ngāi Tūhoe i turaki i te whiringa toa, tekau mā rua ki te whā te kāute whakamutunga.
-
Waikato-Tainui money manager nominated for award
Ko Parekawhia McLean tētehi o ngā wāhine kotahi rau kua kōwhiria hei kaitono i te tuawhā o ngā hui ā-tau, Ngā Tohu Wāhine Whai Mana o Westpac. E whakamānawahia ana te tumu whakarae o mua o Waikato-Tainui mō āna mahi whakahaere i ngā kaupapa me ngā rawa kotahi pīriona tara neke atu te wāriu a te iwi.
-
Tipa Mahuta refutes National election rumors
Kei te kaha whakahē a Tipa Mahuta i ngā kōhimuhimu e mea ana, ka tū whakataetae ia ki tōna tuahine, ki a Nanaia Mahuta, mema paremata o Hauraki Waikato, hei te kōwhiringa pōti ā tērā tau. Hei tā te hea tuarua o Te Kaunihera a-rohe o Waikato, kei te mau tonu tana titiro ki te mau ki tana tūru Māori mete kōwhiringa ki te poari hauora a-rohe o Waikato.
-
Waikato University graduate first to write MBA research in Māori
Nō te rā nei, whakanuia ai te whakapōtaetanga o te ope tuatoru o ngā paetahi o te tohu paerua mō te whakahaere pakihi mai i Te Kāreti Rangahau, Whakawhanake hoki o Waikato-Tainui me Te Whare Wānanga o Waikato. He tuatahi hoki mō Te Whare Wānanga tā Te Puna Moanaroa tuhi i tāna rangahau mō te whakaoranga mai o tōna reo ā-iwi i roto katoa i te reo Māori.
-
Troubled youth revisit cultural roots
Ki ngā waituku kiri o ngā mātua tūpuna hokihoki ai ngā rangatahi kua rarua o te kaupapa arataki a Raukura Hauora, e kī ana ko Te Oho Ake. Tōna rua tekau ngā taiohi nō Tāmaki ki te Tonga i hoe i ngā wai o Waikato atu i Tūrangawaewae ki Rāhui Pōkeka, hei kaupapa whakatenatena i a rātou ki ō rātou taonga tuku iho, otirā ki te aratika.
-
King Tuheitia gets political
I kitea te aronga o ngā whakaaro a Kiingi Tuuheitia mō te ao tōrangapū, i tana kauhau i te rangi whakamutunga o te hui koroneihana tuangahuru o tana nohonga hei kīngi Māori - he kōrero puta noa i te ngākau.
-
Koroneihana – Tainui remember lost loved ones
E karahuihui atu ana ngā piko o Tainui waka ki Tūrangawaewae Marae ki te tangi i ō rātou mate o te tau, i mua i te hui whakanui i te tau tuangahuru nō te Koroneihana o Kīngi Tūheitia. Tūturu, he tikanga e kaha tonu ana i waenga i ngā uri whakaheke.
