Tūtohu Waikato. Ngā hua 71 - 80 o te 206 mō i rō Pūrongo

Ngā hua 71 - 80 o 206

Ngā hua kimi

  1. Video for Kingitanga and Corrections unite to assist Māori offenders
    Pūrongo

    Kingitanga and Corrections unite to assist Māori offenders

    He momo tuatahi rā te waikanaetanga i waenga i te Kiingitanga me te Tari Ara Poutama, ko te ito he patu i te tōaitanga hara, he whakahoki anō i ngā uri o Waikato ki te uma o te Kiingitanga.  Hei tā te hekeretari matua o Kiingi Tuuheitia, hei tā Te Rangihīroa Whakaruru, ko te panonitanga rā tēnei o ngā whakahaere a te Kiingitanga i roto i āna whiriwhiri take, me te Kāwanatanga.

  2. Video for King Tuheitia attends Poukai
    Pūrongo

    King Tuheitia attends Poukai

    Mō tōnā wā tuatahi mai i tana hāparapara tākihi kua haere tuatahi atu te Kīngi Māori ki te huinga poukai o te wā, ki Maurea Marae. He hura rākau whakairo, ā, e tekau mā toru hoki ngā wāhine i whiwhi moko kauae, tokorua ngā tāne i whiwhi mataora hei whakahōnore i ngā tau tekau a Kingi Tuheitia.

  3. Video for Waikato triumphant in Māori league finals
    Pūrongo

    Waikato triumphant in Māori league finals

    Ko te kapa o Waikato ngā toa whakaihuwaka i te tohu whakamahara i a Lummy Newton, mō te wāhanga Waka i te whakataetae rīki Māori ā-motu mō tēnei tau i tū ki Wainuiomata.  Nā Waikato a Ngāi Tūhoe i turaki i te whiringa toa, tekau mā rua ki te whā te kāute whakamutunga.

  4. Video for Waikato-Tainui money manager nominated for award
    Pūrongo

    Waikato-Tainui money manager nominated for award

    Ko Parekawhia McLean tētehi o ngā wāhine kotahi rau kua kōwhiria hei kaitono i te tuawhā o ngā hui ā-tau, Ngā Tohu Wāhine Whai Mana o Westpac. E whakamānawahia ana te tumu whakarae o mua o Waikato-Tainui mō āna mahi whakahaere i ngā kaupapa me ngā rawa kotahi pīriona tara neke atu te wāriu a te iwi.

  5. Video for Tipa Mahuta refutes National election rumors
    Pūrongo

    Tipa Mahuta refutes National election rumors

    Kei te kaha whakahē a Tipa Mahuta i ngā kōhimuhimu e mea ana, ka tū whakataetae ia ki tōna tuahine, ki a Nanaia Mahuta, mema paremata o Hauraki Waikato, hei te kōwhiringa pōti ā tērā tau. Hei tā te hea tuarua o Te Kaunihera a-rohe o Waikato, kei te mau tonu tana titiro ki te mau ki tana tūru Māori mete kōwhiringa ki te poari hauora a-rohe o Waikato.

  6. Video for Waikato University graduate first to write MBA research in Māori
    Pūrongo

    Waikato University graduate first to write MBA research in Māori

    Nō te rā nei, whakanuia ai te whakapōtaetanga o te ope tuatoru o ngā paetahi o te tohu paerua mō te whakahaere pakihi mai i Te Kāreti Rangahau, Whakawhanake hoki o Waikato-Tainui me Te Whare Wānanga o Waikato. He tuatahi hoki mō Te Whare Wānanga tā Te Puna Moanaroa tuhi i tāna rangahau mō te whakaoranga mai o tōna reo ā-iwi i roto katoa i te reo Māori.

  7. Video for Troubled youth revisit cultural roots
    Pūrongo

    Troubled youth revisit cultural roots

    Ki ngā waituku kiri o ngā mātua tūpuna hokihoki ai ngā rangatahi kua rarua o te kaupapa arataki a Raukura Hauora, e kī ana ko Te Oho Ake. Tōna rua tekau ngā taiohi nō Tāmaki ki te Tonga i hoe i ngā wai o Waikato atu i Tūrangawaewae ki Rāhui Pōkeka, hei kaupapa whakatenatena i a rātou ki ō rātou taonga tuku iho, otirā ki te aratika.

  8. Video for King Tuheitia gets political
    Pūrongo

    King Tuheitia gets political

    I kitea te aronga o ngā whakaaro a Kiingi Tuuheitia mō te ao tōrangapū, i tana kauhau i te rangi whakamutunga o te hui koroneihana tuangahuru o tana nohonga hei kīngi Māori - he kōrero puta noa i te ngākau.

  9. Video for Koroneihana – Tainui remember lost loved ones
    Pūrongo

    Koroneihana – Tainui remember lost loved ones

    E karahuihui atu ana ngā piko o Tainui waka ki Tūrangawaewae Marae ki te tangi i ō rātou mate o te tau, i mua i te hui whakanui i te tau tuangahuru nō te Koroneihana o Kīngi Tūheitia. Tūturu, he tikanga e kaha tonu ana i waenga i ngā uri whakaheke.

  10. Video for Ratana strengthens ties with Kingitanga
    Pūrongo

    Ratana strengthens ties with Kingitanga

    Kei te rere ake te karanga a te Hāhi Rātana ki te iwi mōrehu kia taki whakaeke atu rātou ki te hui koroneihana tuangahuru a Kiingi Tuuheitia. Ko tā Thomas Phillips, he āpōtoro, kua renarena kē te taukaea o te whanaungatanga i waenga i te hāhi me te Kiingitanga mā roto mai i tāna piringa ki te Kaahui Wairua.

  11. Whakaatu hua anō

Pages