Tūtohu Tairāwhiti - East Coast. Ngā hua 1 - 10 o te 126 mō i rō Pūrongo

Ngā hua 1 - 10 o 126

Ngā hua kimi

  1. Pūrongo

    He tauira ki uta, he kaimoana ki tai

    He tauira o Te Kura Kaupapa Māori o Ngā Uri a Māui e whai wheako ana, e whai pūkenga ana, e whiwhi ana i ngā Tohu Mātauranga o Aotearoa anō hoki i a rātau e whakatere atu ana i a Tairāwhiti waka ki tai. He kaupapa ako tēnei e whakahaeretia ana i raro i te maru o Tairāwhiti Voyaging Trust.

  2. Pūrongo

    He Ōpango o mua ka hoki te whakaako i a Ngāti Porou East Coast

    Ko Hosea Gear (Ngāti Porou, Te Aitanga a Māhaki) i huraina i te rā nei hei kaiako hōu o Ngāti Porou East Coast hei te tau e tū mai nei.

  3. Video for  Ehara i te toa takitahi, engari he toa ā-kapa tā Waiariki i eke ai
    Pūrongo

    Ehara i te toa takitahi, engari he toa ā-kapa tā Waiariki i eke ai

    Kua toa te kapa Tāne Haupoi Māori o Waiariki i te whakataetae Haupoi Māori ā-motu i tū i Tūranganui a Kiwa. Koia nei te tau tuatoru karapīpiti kua eke panuku ai te kapa tāne nei ki tēnei o ngā tauamata. 

  4. Video for 'He wā tē taea e au te tīni'
    Pūrongo

    'He wā tē taea e au te tīni'

    Nā tētahi aituā i te wā haurangi i whara kikino ai te roro o Hyrum Paea. Ahakoa te kī a ngā tākuta, e kore rawa ia e hīkoi anō, e kōrero hoki, kua turakina e ia ngā ārai, ā kua tahuri ia ki te kōrero i ōna wheako, me kore e mārama ai ki te tangata ngā aupiki me ngā auheke o tōna ao.

  5. Video for He uri nā Paikea ka eke i te ao o te ture
    Pūrongo

    He uri nā Paikea ka eke i te ao o te ture

    Ko te kaiwhakā matua i te kōti-ā-rohe, ko Heemi Taumaunu o Ngāti Konohi me Ngāti Porou, te Māori tuatahi kia kopoua ki te turanga kaiwhakawā MATUA i te kōti-ā-rohe. I whakanuia ia e tona rāhi i te marae o Whangara, mōna kua eke ki tēnei taumata tiketike i te ao ture.

  6. Video for  Kua mahana te whare tipuna i ngā mahi toi, i te reo a te tamaiti
    Pūrongo

    Kua mahana te whare tipuna i ngā mahi toi, i te reo a te tamaiti

    Ko te whakaaturanga toi Māori a Rangiwaho Ihu ki te Moana, he tūāpapa mā Ngāi Tāmanuhiri ki te whao i ngā kōrero tuku iho ake o te iwi hei whakaako atu ki ngā reanga hou i te hononga ki ngā taonga, ki te moana, ka mutu ki Rangiwaho marae i Te Tairāwhiti. 

  7. Video for Mā te kai e tūhono anō ai te tangata ki te whenua, ki te moana
    Pūrongo

    Mā te kai e tūhono anō ai te tangata ki te whenua, ki te moana

    Tokorua ngā rangatahi kaiwhakangau, kohi kai anō hoki nō Te Tairāwhiti e mahi tahi ana ki te awhi i tō rāua hapori mā te whakatū hui e kīa nei ko Creating Spaces. Ko te whai, he whakaako i te tangata ki ngā tikanga mahi kai a te Māori. 

  8. Video for "Kāti te kaipaipa, me waiata kē" - Te Hauora o Tūranganui a Kiwa
    Pūrongo

    "Kāti te kaipaipa, me waiata kē"- Te Hauora o Tūranganui a Kiwa

    Ko te kaupapa hou, ko Auahi Kore-oke nā Te Hauora o Turanganui a Kiwa rāua ko Te Aho a Māui, kei te āwhina i te Māori kia mutu te momi paipa mā roto mai i ngā mahi waiata, whakataetae anō hoki.

  9. Video for He whakarauora i te reo ake o te Wīwī Naati
    Pūrongo

    He whakarauora i te reo ake o te Wīwī Naati

    Hei te wiki nei tū ai he wānanga reo ki te rohe e rangona ai te kōrero, 'Kei te aha', ka mutu, ko te whainga he whakarauora i te reo ake o Ngāti Porou kia toitū tonu ai. I whai wāhi atu tā tātau karere a Te Kuruotemarama Dewes ki tētahi o ngā kaupoi tūturu o Ngāti Porou, arā ki a Pāpā Morehu Te Maro, ki te hopu i ōna whakaaro mō te reo.

  10. Video for He wetewete i ngā mate pāpouri e ngau ana i ngā tāne Māori
    Pūrongo

    He wetewete i ngā mate pāpouri e ngau ana i ngā tāne Māori

    Nō te rironga atu e tōna tuāhine, e tōna hoa anō hoki, ki te mate pōuriuri, ko Travis Tawera hoki tērā i te pari o te rua. Heoi, kua whakamāui ake i a ia anō, me te aha, kei te hāpai atu a ia i ngā tāne Māori maha kia wetewete i ngā āhuatanga o te pāpouritanga me te anipā mā roto tonu i ngā mahi aruaru poaka me te hī ika.

  11. Whakaatu hua anō

Pages