Tūtohu Hamilton. Ngā hua 21 - 30 o te 55 mō i rō Pūrongo

Ngā hua 21 - 30 o 55

Ngā hua kimi

  1. Video for Ka hoko atu a Tainui i ētahi whare hokohoko engati ka puritia te whenua
    Pūrongo

    Ka hoko atu a Tainui i ētahi whare hokohoko engati ka puritia te whenua

    Ko te kohinga toa a Tainui kei Te Rapa e kīa nei ko te Base tētahi o ngā wāhi hokohoko nui rawa atu o Aotearoa, ā kua puta te whakatau a te Kamupene whakatōpū Rawa o Tainui Group Holdings kei te hokona atu e rima tekau ōrau o tāua wāhi, engari ka noho tapu tonu te whenua. 

  2. Video for Ka whakawawao a Haunui i tana taitara whawhai
    Pūrongo

    Ka whakawawao a Haunui i tana taitara whawhai

    E whakaharatau ana a Hiki-te-tapu "Swift" Haunui o Waingaro Marae mō te whakataetae "Battle In The Waikato", ka tū ki Kirikiriroa hei te Hui Tanguru.  Kei te hiahia ia ki te whakawawao i tōna taitara New Zealand Works Kickboxing Association. 

  3. Video for I turaki a Rotorua i a Kirikiriroa i te Whakataetae Pā Whutupōro Kura Tuarua
    Pūrongo

    I turaki a Rotorua i a Kirikiriroa i te Whakataetae Pā Whutupōro Kura Tuarua

    I haere rae ki te rae te Kura Tamatāne o Rotorua me te Kura Tamatāne o Kirikiriroa ki te whiringa toa tamatāne i te whakataetae pā whutupōro o ngā Kura Tuarua o Aotearoa i ngā rā whakatā.

  4. Video for E āwangawanga ana ngā Pirihimana he tūpapaku ano kei roto i te whare kua kaingahia e te ahi ki Kirikiriroa
    Pūrongo

    E āwangawanga ana ngā Pirihimana he tūpapaku ano kei roto i te whare kua kaingahia e te ahi ki Kirikiriroa

    He ope rapu ka hoki ki te whare i kainga e te ahi inanahi i runga i te whakapae he tūpāpāku anō pea kei roto, kāore anō kia hukea ake, i muri i te matenga o ētahi rangatahi tokotoru.

  5. Video for Kua tekau tau te whakataetae Orimipia e kori i ngā tinana o ngā kaumātua
    Pūrongo

    Kua tekau tau te whakataetae Orimipia e kori i ngā tinana o ngā kaumātua

    Ko ngā whakataetae Orimipia mā ngā Kaumātua o te riu o Waikato i tü i te rä nei, i raro i ngā whakahaere a te rōpū kaitiaki kaumātua o Te Rauawaawa.  Koinei te tau tuangahuru o ēnei whakataetae, me te aha, ia tau, ia tau ka piki te rahi o ngā kapa pēperekōu ka karapinepine atu ki te whakanui i te karanga o te rā.

  6. Video for He nui ngā taumahatanga kei runga i Te Whare Whakaruruhau Wāhine o Kirikiriroa
    Pūrongo

    He nui ngā taumahatanga kei runga i Te Whare Whakaruruhau Wāhine o Kirikiriroa

    E pokea ana Te Whakaruruhau, i te nui o ngā māmā e tono whare āhuru ana mō rātou me ā rātou tamariki.  Kua kī katoa ngā rūma o ngā whare āhuru e rima o te rōpū nei, ā, neke atu i te ono tekau ngā whānau kei te rārangi e tatari ana, nā reira te tahuri o te rōpū ki te hapori kia āwhina mai i ā rātou mahi.

  7. Video for E anga ana a Whaanga ki te whiringa tēnehi toa o te whakataetae Waikato-Bays
    Pūrongo

    E anga ana a Whaanga ki te whiringa tēnehi toa o te whakataetae Waikato-Bays

    Ki te tēnehi ki te whakataetae kei raro ngā pakeke i te tekau mā waru tau o Waikato i tū ki Kirikiriroa, ko te hiahia o te toa ō-mua o te reanga kei raro ngā pakeke i te tekau mā ono tau a Zachary Whaanga, kia wikitōria i tēnei taitara i a ia e aru ana kia whai tūranga ki ngā whiringa toa ka tū hei tēnei Rāhoroi.  I tūtaki a Te Kāea ki te uri o Ngāti Kahungungu, me te whākī mai i āna whāinga mō ngā tau kei te heke.

  8. Video for He whakapāha tā Countdown ki tētahi kōhine Māori mō te whakaiti i a ia
    Pūrongo

    He whakapāha tā Countdown ki tētahi kōhine Māori mō te whakaiti i a ia

    Kei te whakahaere tētahi toa hokomaha Countdown ki Kirikiriroa i tētahi tirohanga ōkawa ki a ia anō whai muri i te whakamā i pā atu ki tētahi kōhine Māori i whakapaetia hētia mō te whānako kai. He whakapae i whakapāohotia i runga i te tukuoro.  Kua whakapāhā kē a Countdown mō taua hapa, engari e ohorere katoa ana Te Kōmihana Mana Tāngata.

  9. Video for Ohorere katoa ngā kainoho o York Street
    Pūrongo

    Ohorere katoa ngā kainoho o York Street

    E noho taumaha ana tētahi pēpi, e waru marama noa iho te pakeke, ki te hōhipere o Starship, i Tāmaki Makaurau. I kitea te pēpi ki tētahi kāinga i Hamutana inanahi i mua i tana whakawhitinga mai i te Hōhipere o Waikato. 

  10. Video for Kua hāmenetia te tāne nāna i whāngai te waipiro ki te tamaiti e iwa tau noa iho te pakeke
    Pūrongo

    Kua hāmenetia te tāne nāna i whāngai te waipiro ki te tamaiti e iwa tau noa iho te pakeke

    Kua whakaae tētahi o te tokotoru ki te hara nana i hoatu I te waipiro i haurangi ai tētahi tamaiti e iwa tau noa tōna pakeke. 

  11. Whakaatu hua anō

Pages