Tūtohu Youth. Ngā hua 321 - 330 o te 373 mō

Ngā hua 321 - 330 o 373

Ngā hua kimi

  1. Video for He whakatewhatewha kei te hāere nā te tāenga atu o ētahi whakapae pāwhera ki ngā Pirihimana
    Pūrongo

    He whakatewhatewha kei te hāere nā te tāenga atu o ētahi whakapae pāwhera ki ngā Pirihimana

    He kuare, he wareware ranei? Koina te patai a te makiu, ao ake i te whakapuakitanga, tokowha ngā kotiro i korero ki te tari pirihimana i roto i ngā tau tata nei mo ngā whakapae pawhera a te roopu taitamatane, ngā Roast Busters.

  2. Video for Tū Ake Māori Performing Arts programme
    Pūrongo

    Tū Ake Māori Performing Arts programme

    Kei ngā He rāngai e ahu mai ana i ngā marae maha o Te Whare Tapu o Ngāpuhi, Ko te tira toi whakāri o "Tuu Ake" te ingoa, i ahu mai i tetahi waahanga akoranga i Te Wānanga o Aotearoa, e arahi ana i ngā rangatahi, Kia eke ai rātou ki ngā taumata e kooingo ana a Pōhewatanga.

  3. Video for Kua whai tohu a Bianca Ranson mo āna mahi me te hunga taiohi
    Pūrongo

    Kua whai tohu a Bianca Ranson mo āna mahi me te hunga taiohi

    Kua hipa ngā tau tekau etahi rangatahi taki mano e whai hua ana i ngā whakahekenga werawera a Bianca Ranson o Ngāpuhi. Ko tāna he whakauu i a ratau ki te ara tika, me te aha, kua whakawhiwhia a ia ki tētahi tohu whaimana o te ao, ki etahi pūtea kīnaki ano hoki, kia haere tonu ai āna mahi rangatira. 

  4. Video for Ko te whakapiki oranga mo te hunga taiohi te whai a Mike King
    Pūrongo

    Ko te whakapiki oranga mo te hunga taiohi te whai a Mike King

    I te wa manako o tōna oranga, i noho te kaiwhakangahau o Aotearoa a Mike King hei mirionea, i whakatutuki pai ōna wawata katoa. Engari, i tanuku te kokai ki aia, i pa mai te pouri, i aro ia ki ngā whakapōauau, ka mutu, i tata whakamomori āia ki āia ano. Heoi, i ēnei ra kua whai oranga ano ia, na runga i tana mahi, ki te whakapiki oranga o ngā taiohi puta noa ki Aotearoa.

  5. Video for Te whai a Oceana i te ara o angitū
    Pūrongo

    Te whai a Oceana i te ara o angitū

    Nā tōna aroha ki te waiata, me tōna koingō ki tōna ahurea Māori, i hipa ai i a Oceana Olsen ngā tairo ā-kupe o tōna tinana, i aro kore anō ai ki ngā kupu hahani a te hunga kuare. I whānau mai tēnei kaiwhakataetae i te hōtaka pūkenga o NZ's Got Talent me te māuiuitanga Pseudoachondroplasia, nā kōna i raru ai te tupu o ōna kōiwi, ahakoa tonu, kāore te mate nei mō te whakararu i a Oce, me tana whai i te ara o angitū.

  6. Video for Te tukinga U16 o Aotearoa ki ngā hoariri o Queensland
    Pūrongo

    Te tukinga U16 o Aotearoa ki ngā hoariri o Queensland

    I tuki atu te kapa o Aotearoa i raro i te tekau mā ono tau ki ngā taitama o taua reanga anō o Queensland. Ahakoa te rangatahi, i kitea tonutia te pitomata o tēnei hunga e tūmanakohia ana ka eke ki ngā kapa matua o ō rātou whenua a tōna wā.

  7. Video for Tūtaki mai ki a Shania Tatana
    Pūrongo

    Tūtaki mai ki a Shania Tatana

    Tērā tētahi taitamawahine o Te Rarawa Kai Whare, me he whetū maiangi e mahuta ake ana i te pae. He tekau mā rima tau te pakeke o Shania Tatana, kua tahuri atu ki ngā mahi whakapakari tinana o te tākaro mekemeke, nā runga i te manako nui, ka rite mārika ia mo ngā tauwhainga maha kei mua i tōna aroaro, ka mutu, kua riro mā tētahi māreikura Māori o te raki a ia e tohutohu.

  8. Video for Tuki atu ai te kapa U15 o Tāmaki ki Te Whanganui a Tara
    Pūrongo

    Tuki atu ai te kapa U15 o Tāmaki ki Te Whanganui a Tara

    Kei te whakataetae rīki ā-motu mō te hunga kei raro i te tekau mā rima tau, koinei te tau tuatahi kua whai wāhi atu te kapa whakawhanake o Tāmaki Makaurau, ā, i ngā rā e rua kua hori nei, kāore tonu rātou i hinga. Nō te rangi nei tuki ai rātou ki te kapa o Te Whanganui a Tara, me te aha, he tukinga tātāhau mārika i pupū ake.

  9. Video for Te hui taumata mā te hunga rangatahi o Waikato-Tainui
    Pūrongo

    Te hui taumata mā te hunga rangatahi o Waikato-Tainui

    Kua karapinepine atu te hunga taitamariki o Waikato-Tainui ki runga o Tūrangawaewae Marae mō tētahi hui taumata. Ko te atamira tēnei e whai wāhi ai rātou ki ngā kaupapa huhua a te iwi, kia whai tirohanga hoki te iwi ki te ao a ngā rangatahi.

  10. Video for Ka tuki te kapa U15 Akarana Falcons ki ngā Colts o Waicoa Bay
    Pūrongo

    Ka tuki te kapa U15 Akarana Falcons ki ngā Colts o Waicoa Bay

    I te rā tuarua o te whakataetae rīki o te motu mā ngā taitama kei raro i ngā tau tekau mā rima, i tuki atu te kapa Akarana Falcons ki te tira Waicoa Bay Colts i te Papa Tākaro o Bruce Pulman i Papakura. I whakaatu atu a Akarana i tā rātou tautōhito i te haurua tuatahi, engari nā ngā hapanga i te haurua tuarua i tata eke a Waicoa Bay.

  11. Whakaatu hua anō

Pages