Ki te tonga o Tāmaki, kua tae ā-tinana atu te Minita o Whānau Ora a Peeni Henare ki te marae o Ngā Whare Waatea i te rā whakamutunga hei tuari pouaka kai, nā te tono a te Kaiwhakahaere o Whānau Ora ki Te Uepu Noho Taone o Manukau i tuku. Kei te hiahia hoki te kaiwhakahaere, a Veronica Henare ki te akiaki i te kāwanatanga kia kaha ake te tautoko ki ngā whānau pōkaikaha i te wā kirihimete.
Tūtohu Tāmaki Makaurau. Ngā hua 1 - 10 o te 254 mō
Ngā hua 1 - 10 o 254
Primary tabs
Ngā hua kimi
-
He kupu whakatūpato mō te hunga haere ki tāwāhi hei te wā o ngā hararei
He kōrero whakatūpato mai tētehi whānau tokowhā ki te hunga haere ki tāwāhi ki te whakatikatika i ngā whakarite haerenga hei te wā o ngā hararei. Kua hōhā te tokowhā i te whakatārewatanga o ā rātou haerenga i ngā rā whakatā nei, nā te hapa o tētahi kamupene whakahaere wakarererangi.
-
Kua tīmata kē ngā whakanuinga o te kirihimete mō ngā whānau e 300 o Anahera Rākau
Ki Tāmaki Makaurau, kua tīmata kē ngā whakatairanga manamanahau o te wā mō ngā whānau e toru rau o te hunga mauhere. Mō te wā tuatahi ka tū ngā whakamānawa o te kirihimete o Anahera Rākau, ki te marae o Mataatua i Māngere.
-
E hurō ana ngā iwi o Tāmaki i te Uepu Hanga Whare Taone hōu
Me whakatū e te rōpū Housing & Urban Development ētahi hapori māori. Koinei te whakahau a te Poutaki o Ngāti Whātua o Ōrākei Marae, a Taiaha Hawke. Kei te āritarita rātou me Ngati Paoa kia mahi ngātahi rātou ko taua rōpū ki te tuku i ngā whare ngāwari te utu ki o rātou uri.
-
Ko te kapa haka o Te Kāhui Huringa te kai whakaihuwaka hōu mō ngā kura tuatahi o Tāmaki
Ko te kapa haka o Te Kāhui Huringa mai i te kura tuatahi o Whinireihana te toa whakaihuwaka hōu o te whakataetae kapa haka ngā kura tuatahi, kura takawaenga hoki o Tāmaki Makaurau. I eke Te Kura Māori o Ngā Tapuwae ki te taumata tuarua, ko Te Kura takawaenga o Henderson ki te tūnga tuatoru.
-
Ka tū ngā Kōhanga Reo ki te papatūwaewae o Te Mokotini
Tekau ngā kohanga reo mai i Tāmaki Makaurau me Te Taitokerau ki te papa whakat`ū waewae mo Te Mokotini i te rāwhiti o Tāmaki. E ai ki te kaumātua o TKR o Te Puau Te Moananui a Kiwa a Tumanako Waiwai ma ngā pakeke anake te whakataetae o Te Matatini engari ko te whakanui i te ahurea māori te kaupapa o Te Mokotini.
-
E hiahia ana ngā pou hāpai i te hunga whaiora ki tētehi huarahi atawhai hōu
Kei te hiahia ngā pou hāpai i te hunga mate wairangi ki te whai i tētahi kaupapa hōu e kī ana "Open Dialogue" kia pai ake ai tā rātou āwhina i ngā whānau whaiora. Hei tā te Rōpū Tautoko i Ngā Whānau o Tāmaki Makaurau, koirā te huarahi whai kiko i Ahitereiria, hei manaaki i te katoa o te whānau.
-
E manawanui ana ngā ringa mahi me ngā kiritaki o Te Mīhana o Tāmaki Makaurau
Kei te manawanui ngā ringa mahi me ngā kiritaki o te Mīhana o Tāmaki Makaurau ki tā rātou hūnukutanga ki whakaruruhau kē atu mō te wā poto. Kei te whakahou te Kāwanatanga i te whare tūturu, e iwa tekau miriona tāra te utu.
-
He whakaari pūoro hōu e waru miriona tāra te utu ki Tāmaki Makaurau
Ko ngā tini ahurea, ko ngā tohu o te whenua me te āhua o te noho a te tini ngeronero o te taone nui o Tāmaki Makaurau ka kitea rā i tētahi whakaari pūoro pukukata, he tuatahi o tōna momo, ko City of 100 Lovers te ingoa. Hei tā ngā kōrero a te kaiwhakaari nei, a Te Waihoroi Shortland, ko te ito o te whakaaturanga e waru mīriona tāra nei te wāriu, ko te ao Māori.
-
Ko Manukau ko te pouherenga o ngā mita
Kei te noho te nuinga o ngāi Māori ki te tāone nui o Manukau na reira ka pēhea te āhua, noho hoki o te reo ki taua takiwā?
Pages
- 1
- 2
- 3
- 4
- 5
- 6
- 7
- 8
- 9
- …
- e whai ake nei ›
- whakamutunga »