Tūtohu Sports. Ngā hua 31 - 40 o te 1005 mō

Ngā hua 31 - 40 o 1005

Ngā hua kimi

  1. Video for  He kaihoe toa, he kaiurungi toa
    Pūrongo

    He kaihoe toa, he kaiurungi toa

    Kua whakaingoatia a Kiwi Campbell o Horouta Waka Hoe ki Tūranganui a Kiwa, ki ngā whiringa toa o Ngā Tohu Hākinakina Māori o Aotearoa.

  2. Video for Ka whakatu i ngā pūkenga o ngā manawa kaitutae Māori i Big Boy Toys
    Pūrongo

    Ka whakatu i ngā pūkenga o ngā manawa kaitutae Māori i Big Boy Toys

    Kei te tū te hui rua tekau o te Whakakitenga Taputapu Nui Rawa atu mā ngā Tāne ki Tāmaki Makaurau, ā i reira ngā toki eke paihikara Māori a Kingi Walters rāua ko Jed Mildon e whakaatu ana i ō rāua pūkenga ki te marea.

  3. Video for Ko te whakaurunga te aronga nui mō te taurima hākinakina tua iwa o Tainui
    Pūrongo

    Ko te whakaurunga te aronga nui mō te taurima hākinakina tua iwa o Tainui

    E rima tekau mā tahi ngā marae o Waikato-Tainui kua whakatōpu atu ki ngā papatākaro o Hopuhopu i Ngāruawāhia mō te taurima hākinakina tuaiwa o Tainui ka tū hei ēnei rā whakatā. Kei te whakanui hoki te iwi i te kotahi rau ono tekau tau o Te Kiingitanga, ā, ko te whakaurunga te aronga nui.

  4. Video for Kua auraki haumāuiui mai ngā manukura
    Pūrongo

    Kua auraki haumāuiui mai ngā manukura

    Ko Manukura tērā, tētahi o ngā kura hākinakina pakipaki o te motu, i whakatau anō i ngā waewae o te tokorua ākonga i hoki haumāuiui mai i Ngā Orimipia Rangatahi i Buenos Aires.  Ko te kapa wāhine o Aotearoa kai raro i te tekau mā waru te pakeke tērā i pakanga ururoa ki a Wiwi i te wiki kua hori e heia ai rātau ki te mētara kōura.

  5. Video for Ka tae te kaiako haupoi wāhine o Aotearoa ki te hui haupoi Māori ki Rotorua
    Pūrongo

    Ka tae te kaiako haupoi wāhine o Aotearoa ki te hui haupoi Māori ki Rotorua

    Ki te whakataetae haupoi Māori e tū ana ki Rotorua, hei tēnei ahiahi pō ka tae atu te kaiako mo te kapa wāhine haupoi o Aotearoa, a Mark Hager ki tēnei hui. E ai ki a Kahu Ripia, heamana haupoi Māori, koinei te wā tuatahi kua tae mai tētahi kaiwawao pēnei, ā, ka noho mai ia mo ngā whiringa whakamutunga ka timata āpōpō.

  6. Pūrongo

    Ko te ahurea Māori te kura huna o te Kapa Ō Pango Māori me te Kapa Mamaku

    Kāore e roa ka wehe atu te kapa Ō Pango Māori me te kapa Mamaku i te hau kāenga ki te whakakanohi i tō tātau whenua i roto i te hākinakina matua o te motu ki te kāenga o te whutupōro amerikana, arā, ki te NFL.  Tuki atu ai ngā kapa e rua nei ki ngā kapa Eagles hei te Whiringa-a-nuku, me te aha, he whai wāhitanga nui tēnei ki te whakakite i ngā pūmanawa o te kaihākinakina Māori ki te aroaro o te ao. 

  7. Video for Kei te eke Tangaroa ngā rangatahi eke ngaru Māori
    Pūrongo

    Kei te eke Tangaroa ngā rangatahi eke ngaru Māori

    Tokorua ngā kaieke ngaru Māori kua eke i ngā whiringa toa, raro iho i te tekau mā ono tau te pakeke, ki te whakataetae Eke Ngaru ā motu ki Tūranganui a Kiwa.

  8. Video for He ngākau titikaha ki ngā mahi hākinakina, ahakoa ngā taumaha
    Pūrongo

    He ngākau titikaha ki ngā mahi hākinakina, ahakoa ngā taumaha

    Tekau mā whā tau a Tama Wirepa e pokea nei e te mate whakatīmohea, engari e kore tērā e here i a ia. Kei te whakarite ia mō ngā Hākinakina Rangatahi o Halberg ka tū ki Tāmaki Makaurau hei ngā rangi e heke mai nei.

  9. Pūrongo

    He wikitoria nui mā Karauria

    He toanga karapīpiti te hua ki a Pagan Karauria. I whakawhiwhia ki a ia te taitara kaiwāwāhi wūru toa o Aotearoa mō te wā tuatoru, i te whakataetae Merino i tū ki Manuherekia inanahi nei.

  10. Video for Trans-Tasman Indigenous series tips off
    Pūrongo

    Trans-Tasman Indigenous series tips off

    E haere ake nei ko te tuarima o ngā tukinga poitūkohu ā-tau i waenga i ngā hoariri mauroa, i te kapa taketake o Ahitereiria me te kapa Māori o Aotearoa, ki te whare o Te Awamutu Events Centre.  I te whakamahana te kapa hau kāenga i te rangi nei ki Te Awamutu, ā, tāria te wā whakatūria ai te puehu e ngā kapa taketake nei.

  11. Whakaatu hua anō

Pages