Ko tēnei te rā auahi kore o te ao, kei te karanga atu ngā tauira me Te Kāhui Auahi Kore o Te Tairāwhiti, kia whakarērea te mahi kai paipa i Te Tairāwhiti, arā, te rohe e kaha warea nei e te kai tūpeka.
Tūtohu Smoke-free. Ngā hua 1 - 10 o te 32 mō
Ngā hua 1 - 10 o 32
Primary tabs
Ngā hua kimi
-
E aro atu ana te ture auahi kore ki rō waka ki ngāi Māori, Pasifika hoki.
He ture hōu e whakakore i te tangata te momi hikareti, hikareti tāhiko rānei ki rō motoka mehe tangata kei raro iho i te tekau ma waru te pakeke kei roto. E matapaetia ana ka pāhi te ture nei hei te mutunga o tēnei tau ā ka āhei ngā pirihimana te whakatū waka, te tuku whaina rānei.
-
Kua piki ake te tāke tupeka i te tekau paihēneti
Ko te Kohitātea te marama e pokea ana a Quit Line i te mahi. Ko tēnei tāke tupeka hōu te tuatoru o ngā tāke e wha i roto i te wha tau kei te eke mai.Tokomaha ngā tāngata e ngana ana ki te aukati i te momi hikareti i rot i te tau hōu.
-
Ko 'Hang Tuff Dont Puff' he hōtaka auahi kore mā ngā wāhi mahi.
Ko te wero Hang Tuff Don't Puff te kaupapa hou kua timata i roto i ngā wāhi mahi ki te whakakore i te momi hikareti. He kaupapa i timata i ngā tau e rua ki muri e whakahaerehia ana hoki e Counties Manukau Health, me tō rātou whakapae kei te whakatutuki pai rātou i o rātou whāinga. Engari, mā ngā kaupapa pēnei i a Hang Tuff Don't Puff kāwanatanga e tāea ai te eke ki te taumata o te whenua auahi kore hai te tau rua mano rua tekau mā rima, kāhore rānei?
-
Auahi kore, koinei te tohe a ngā tauira o te kura o Kaiti
Nā te kura o Kaiti ki Tūranganui a Kiwa te wero, kia auahi-kore ai te rohe toa tāuhi o Kaiti. Kua tutuki, arā ināianei ka kawea atu te tauira ā-hapori nei ki te Hui Hauora a Ngā Iwi Taketake o te Ao, ka tū ki Rotorua ā tērā tau.
-
Me rāhuitia ngā wāhi tūmatanui kia auahi kore? Koia te pātai
He pūrongo nā Te Kaunihera o Tūranganui-a-Kiwa e mea ana kei Te Tairāwhiti te tatauranga tiketike rawa i Aotearoa mō te hunga kaipaipa, e whitu tekau mā whitu ira rima miriona tāra ia tau ka whakapaua ki te hikareti. Ināianei kei te pātaihia te kaunihera mena me auahi kore ngā wāhi tūmatanui.
-
Ko Mit Eldnar nō te kura tuarua o Manurewangā Toa o Tangata Beats 2018
E tekau ngā kura i eke ki te pae o te riri ināpo i te whakataetae Auahi Kore Tangata Beats ki Tāmaki nei, ā ka āhei ngā pēne toa e toru te whai wāhi atu ki te whakarekoata taupuni hopuoro ka whiwhi hoki i a rātou ētahi taputapu puoro mai i te toa Rock Shop.
-
Ko te whakataetae Smokefree Rockquest ka tu ki Tāmaki.
Ko ngā kōwhiringa toa o te whakataetae ā-motu o Rockquest ka au ake i te Kāreti o Kahurangi i Tāmaki Makaurau i te pō nei, ā, e takatū ana ki te taumata whakataetae i te wāhanga Tangata Beats ko The Remnants nō Te Kura Tuarua o Whanganui.
-
Te tautohe tāke tūpeka
He kino, he pai rānei te tāke tūpeka? Koirā te pātai nui kua puea ake i te mātaitanga kāwanatanga ki ngā pānga o te tāke ki ngā kaimomi hikareti, ki o rātou whānau, ki te mahi hara anō hoki.
-
Te rā auahi kore huri noa i te ao
Ko te rā auahi kore tēnei huiri noa i te ao, ā, ko tā ētahi toa e rua i Te Waonui a Tiriwā, he tautoko i te kaupapa, i te korenga i hoko hikareti atu i te rā nei. Heoi, he mahi rānei tēnei ka whakawhanake i te whai kia auahi kore ai a Aotearoa whānui hei te tau rua mano, e rua tekau mā rima? E rua wiki ki muri nei, i tū ngā ratonga hauora ki mua i te aroaro o Te Komiti Whāiti Take Māori ki te kī atu, kotahi anahe te ara hei whakatutuki i taua whāinga nui, ko te whakatū ture e kīa ai, he hara te hoko tūpeka.
