Tūtohu Rotorua. Ngā hua 1 - 10 o te 246 mō

Ngā hua 1 - 10 o 246

Ngā hua kimi

  1. Video for Ka tākoha atu a Comvita ki ngā rōpū awhina
    Pūrongo

    Ka tākoha atu a Comvita ki ngā rōpū awhina

    Neke atu i te rua rau, rima tekau ngā pouaka mīere, ā, toru rau neke atu ngā kete kai kua tākoha mai tētahi o ngā kamupene mīere manuka nui o Aotearoa ki te tari o te ope whakaora ki Rotorua me te whare hapori tuku kai o Tauranga ko tā te hiahia o Comvita kia tū tēnei mahi ia tau.

  2. Video for 'Te tangata ō roto' e hapai nei i te hunga rangatahi
    Pūrongo

    'Te tangata ō roto' e hapai nei i te hunga rangatahi

    Nō Te Whanganui a Tara te rōpū o 2Face Drama e whakaatu ana i to rātou whakaari hōu "The Rebel in me". Ko te kaupapa nui o to rātou whakakitenga e hāngai ana ki te au i ngā mahi whakamomori ki waenga i te hunga rangatahi. Toru tekau mā rima ngā rangatahi kei roto, ko te pakeke o to rātou kaiwhakaari pēpē, tekau tau.

  3. Video for Rotorua he kaupapa hapai i te hunga kua taka ki te hē
    Pūrongo

    Rotorua he kaupapa hapai i te hunga kua taka ki te hē

    E pakari ai te haere o tētahi kaupapa mo te hunga kua taka ki te hē ki Rotorua ahakoa te iti o te pūtea. Tekau mā rua marama te roa o te kaupapa, Pūwhakamua ki raro i a Wiremu Macfarlane ahakoa te kaupapa e mahi nei ki runga i te aroha ko tāna e akiaki nei me kōkiri whakamua ahakoa te iti o te pūtea.

  4. Video for He whakakitenga hōu hei tohu aroha ki ngā mahi raranga ki Te Puia
    Pūrongo

    He whakakitenga hōu hei tohu aroha ki ngā mahi raranga ki Te Puia

    He whakaaturanga hōu ki Rotorua i whakarewahia ki Te Puia e whakanui ana i whakarerenga o te kairaranga. He Hekenga nō ngā Tūpuna te ingoa o te whakakitenga e whakaatu nei i ngā mahi mai te kāhui kairaranga hōu o Te Rōpū Kōtuku Rerenga Rangi ki Te Moana nui a Toi.

  5. Video for Te Hui Whakarākei o Rotorua ka mutu hei te Rātapu
    Pūrongo

    Te Hui Whakarākei o Rotorua ka mutu hei te Rātapu

    Tekau mā ono ngā kaiwhakarākei, kua tata ki te tekau rā e waihanga, whakairo nei i o rātou taonga mo te wānanga whakairo o Rotorua. Hei tō Natanahira Te Pona o Ngāpuhi tētahi e mahi taonga ki te huinga, ko tana hiahia kia nui ake te hunga kaitoi Māori ki ēnei kaupapa.

  6. Video for Mā te whai i te tūranga āpiha pirihimana e hapai nei tōna hapori o Murupara
    Pūrongo

    Mā te whai i te tūranga āpiha pirihimana e hapai nei tōna hapori o Murupara

    I riro ki a Allannah Awhina Chapman-Tapara o Murupara i te taonga 'Tākiri ko te Ata' mai te tohu Ponamu NCEA mo ngā akoranga pirihimana, mā tēnei tohu e tūwhera i te ara ki te mahi pirihimana. Toru tekau mā rima ngā tauira nō te kura tuarua mo ngā tāne o Rotorua me te kura tuarua mo ngā kōhine o Rotorua kua whakamānawa ki runga i tēnei kaupapa.

  7. Video for Kua whānako ngā kōrere kapa wai o tētahi kōhanga ki Rotorua
    Pūrongo

    Kua whānako ngā kōrere kapa wai o tētahi kōhanga ki Rotorua

    Kihae ngā tauira me ngā kaiako o Te Koutu kōhanga reo i tae ki te tari i tēnei rā na runga i te waipuke. I ngā rangi okioki i kite ake kua whānakohia ngā kōrere kapa wai e hono ana i to rātou whare ki te waiwera. Kua whakatūhia e ngā pirihimana he whakatewhatewha mo tēnei mahi.

  8. Video for Kaumātua Iron Māori te wāhi haerenga mo tētahi kapa nō Rotorua
    Pūrongo

    Kaumātua Iron Māori te wāhi haerenga mo tētahi kapa nō Rotorua

    He kāhui kāumatua tekau mā rua, kei waenga i te ono tekau ki te waru tekau te pakeke nō Rotorua ka whakataetae i roto i te hui Kaumātua Iron Māori ki Ahuriri āpōpō.

  9. Video for Prince Harry e whakamana ana i 'Te Reo'
    Pūrongo

    Prince Harry e whakamana ana i 'Te Reo'

    Na runga i tōna whakamana i te reo Māori kua kapo ake a Piriniha Harry i ngā manawa o rātou i roto i te tipuna whare o Tamatekapua ki Rotorua i tēnei rā. I whakawhiwhia ki te Tiuka me te Tiuketa he korowai mo rāua tahi tatu noa ki ngā taonga maha, ko tētahi he tewhatewha mai Te Arikinui a Tā Tumu Te Heuheu.

  10. Video for E rite ana ngā rangatahi o Te Arawa mo te Tiuka me te Tiuketa
    Pūrongo

    E rite ana ngā rangatahi o Te Arawa mo te Tiuka me te Tiuketa

    Ko Wharehuia Evans, Te Mahara Swanson Hall me Hana Tapiata ētahi o ngā rangatahi Māori ka kōrero tahi ki te Tiuka me te Tiuketa āpōpō ki Te Ao Marama, Rotorua. I tohua ēnei rangatahi na runga i o rātou mahi ki te akiaki i ngā kaupapa nui pēnei i te mate hinengaro.

  11. Whakaatu hua anō

Pages