Ka tū matua te manutīoriori a Maisey Rika me ngā kaihaka a te rōpū mahi ā rēhia o Pounamu i te puaretanga o te papawhakangahau kaukau hōu o Universal Orlando e kīa ko Volcano Bay. I rere aorangi te whakapuaretanga ki te ao, ā i kitea kia waru rau mano neke atu i a Pukamata.
Tūtohu Ngapo Wehi. Ngā hua 1 - 10 o te 12 mō
Ngā hua 1 - 10 o 12
Primary tabs
Ngā hua kimi
-
Te Waka Huia honour Tūhoe links of Dr Ngāpō Wehi.
Tōna ono wiki kei te toe ki te aranga mai o te whakataetae Te Matatini ki Heretaunga, heoi ko te rōpū o Te Waka Huia tēnā e takahi ana i te ara ki ngā pānga ā-iwi o tō rātou kaiako a Tākuta Ngāpo Wehi, e ono marama ki muri nei ka ngaro. I tau atu rātou ko te kapa o Te Manu Huia ki Ngāhina Marae ki Ruatoki ki te whakamaumahara atu ki te tohunga o te haka.
-
Te Kāea- He Maimai Aroha 2017
Hei poroporoāki atu i te tau rua mano, tekau mā ono, he maimai aroha tēnei ki ngā mate o te tau i tū nui ki te ao, i whawhai, i para huarahi, otirā i whakaako, i whakaawe, i whakamataara i a tātou ngā mahuetanga iho i te ao hurihuri nei. Ahakoa tēnei whakamihi, he iti - he iti nā te kāwatawata ki a rātou kua whetūrangitia, he iti nā te haku ki ngā kākahu taratara, he aroha ki a tātou katoa kā pīkau tonu i a rātou mahi ki tua.
-
Ngapo Wehi honoured in Te Kaha as Duncan MacIntyre trophy is returned
Ki Te Whānau a Apanui hoki atu ai te taonga o Te Matatini mō Duncan McIntyre me te kawenga o te mate o Ngapo Wehi ki Te Kaha Marae, inanahi nei. I tuku te Kapa Haka o Te Whānau a Apanui te taonga nei ki te whānau Wehi i te tangihanga o te tautōhito haka i Waihirere i te marama ka huri.
-
Hoani Waititi marae welcome back Wehi whānau
Kua haka pōwhiri mai te whānau Wehi ki runga i te marae o Hoani Waititi, i te uru o Tāmaki Makaurau i te rā nei. E ai ki a Ngahiriwa Tai Tin o te kapahaka Taha Tū, tōminamina ana ngā kaihaka i Tāmaki kia whai wāhi ki te whakanui i te mūrau o te matatini, i a tākuta Ngāpō Wehi.
-
Wehi whānau humbled by kind gesture
E pari tonu ana ngā tai ope ki Parihimanihi ki te tangi atu ki te mūrau a te matatini, ki a Ngāpō Wehi. Ā, kei te kōrerotia hoki te wāhi mō te tohu Duncan Macyntyre i tukua e Te Whānau ā Apanui ki te whānau pani inanahi.
-
Te Matatini trophy presented to the late Ngapo Wehi
He tohu aroha te hoatu a Te Whānau a Apanui i te taonga Duncan McIntyre ki te whānau Wehi. E ai ki te maāngai o Te Whānau a Apanui ki a Rawiri Waititi me hanga taonga hou, nā he wero nui ki Te Matatini.
-
Maxwell shares memories of Wehi
He maruwehi, koia tā Te Horowaewae Maxwell mō Tākuta Ngāpō Wehi ka ngaro nei. He punga o te mahi kapa haka i roto o Te Arawa a Te Horowaewae, he pou-tātaki, he pouwhakahaere ō-mua o te rōpū haka o Ngāti Rangiwewehi, i te taha o tōna hoa rangatira, i a Atareta. Hei ko tāna, he mauhanga haka uaua rawa kua mahue mai nei.
-
King Tuheitia to farewell Wehi
Ko Kīngi Tūheitia ka takahi i te ara ki Parihimānihi ki te poroporoāki i a Tākuta Ngāpō Wehi, nā runga i te mōhio, he hautipua o te ao haka tēnei kua roa e whakanui ana i te koroneihana. Ko Wahine Toa tētahi waiata nā Ngāpō Wehi e whakamanamana ana i te ariki tapairu o te Kīngitanga.
-
Tributes flow for Wehi
Ki Waihīrere ka tukuna a Ngāpo Wehi ki tana rua kōiwi hei te Rāpare. I mate mai tēnei ika a whiro o te tauā mahi ā-rehia i ngā haora moata o nanahi, i tōna māuiui roa.
