I te rā tuarua o ngā whakataetae kapa haka ā rohe o Mātaatua i riro mā Te Whānau a Apanui hei wāhi i te huinga, ā, tau ana to rātou tū mai i ngā kanohi hōu me ngā pakeke o te kapa.
Tūtohu Mataatua. Ngā hua 101 - 110 o te 148 mō
Ngā hua 101 - 110 o 148
Primary tabs
Ngā hua kimi
-
He tū whakamaumahara tō Awanuiārangi
Tokowaru ngā rōpū kua tū kaha ki ngā whakataetae kapa haka ā rohe o Mātaatua ki Te Teko. Heoi, mo te kapa o Awanuiārangi i tū rātou hei whakamaumahara ki a Te Makariini Temara, kaitito, kaihaka ki roto i te rohe.
-
Kua puare te tohunga kaiwhatu kākahu a Shona Tawhiao tōna toa hōu
Kua whakapuare te tohunga kaiwhatu kākahu a Shona Tawhiao i tētahi toa hōu ki tōna wā kāinga o Tauranga, e rua wiki i mua i te kirihimete.
-
Ko tā Mahuta ka whakaaro ake te kāwanatanga ki te whakaturu i ngā tūru Māori ki ngā runga kaunihera
E ai ki te Minita Take Kāwanatanga ā-rohe, ki a Nanaia Mahuta, ā tōna wā te kāwanatanga ka āta whakaaro ake ki te whakature i ngā tūru Māori ki runga i ngā kaunihera. Koinā te kōrero whai muri i te whakatau a te Kaunihera ā Rohe o Whakatāne ki te whakatū rohe pōti Māori.
-
E tū whakaiti ana ngā toa o Te Mana Kuratahi hei kanohi mō Mātaatua
Ko Te Kura o Te Teko nō Te Waiariki ngā toa whakaihu waka o te whakataetae kapahaka o ngā kura tuatahi o te motu, i tū ki Turanganui-a-Kiwa i tēnei wiki.
-
Ka whakamahara i Te Kiingitanga me ngā iwi o te motu i te pakanga o Te Kupenga
I te rā nei ka whakamaharatia te pakanga a Te Kupenga a Taramainuku e te Kīngitanga me ngā iwi o te motu. I tū taua pakanga i ngā tau kotahi rau rima tekau mā rua ki muri. I reira raupatuhia ai e te karauna ngā whenua e rua rau whā tekau mā rima eka te nui.
-
Kua tukuna te mauri o Te Hui Ahurei a Tūhoe ki te marae o Mataatua
I pōwhiri ai a Ruatoki, ngā māngai o ngā kapa haka katoa o Te Hui Ahurei a Tūhoe me Te Taunuke Kororangi ki te marae. He tohu te kawenga mai o te mauri o Tamarau, ka tū Te Hui Ahurei ki konei. Ka mutu, ka āta whiriwhiri i ngā whakahaere katoa, arā mā wai ngā uri e taurima, ā, kei whea ngā kaupapa e tū nei, whērā i te mahi kapa haka me ngā hākinakina.
-
Mass Mataatua haka to support Standing Rock Sioux
Neke atu i te toru rau tāngata mai i te rohe o Waiariki i whakakao atu ki Whakatāne i te rangi nei ki te tautoko i te kaupapa a te iwi Sioux e whakahē ana i te hangana kōhinu wai i Te Raki o Dakota i Amerika, mā te haka. Koinei tētahi o ngā haka maha kua hakaina hai hora i te kupu i runga i ngā whārangi papori mō te kaupapa matua e pā ana ki ngā iwi taketake o Amerika, me o rātou tikanga tiriti.
-
Mātaatua youth offer advice to Te Mātāwai at speech competiton
Me uru atu ngā whakataetae manu kōrero hei kaupapa matua mo ngā mahi a ngā māngai o Te Mātāwai, i te mea kāre nga rangatahi e whai wāhi atu kia tū ki te kōrero ki roto i a rātou ake iwi. Koira te karanga a ngā kaiako i te whakataetae o ngā manu kōrero ki te rohe o Mātātua i Tauranga.
-
Tawhiao's work to walk the same catwalk as Dior, Chanel and Gautier
I te Whare Taonga Metropolitan i New York Amerika tētahi o ngā tino whakaaturanga e pa ana ki ngā hoahoa kakahu o te hunga rongonui pēnei i a Dior, Chanel me Gautier (GO - TEE - AIR). Ā, tērā pea ka tāpiri atu te ingoa o Shona Tawhiao ki tāua rārangi, nā te kino kē hoki o ana ake mahi. Kei a Wena Harawira tēnei pūrongo.
