E rere kau ana ngā mihimihi me ngā poroporoāki ki te Pā Whakawairua ki a Wally Hayward nō Ngāpuhi, e waru tekau mā whā tau te pakeke. He pou whakatū i Te Hāhi Māori Kauwhau i Te Rongopai, he Minita hoki i ngā whareherehere a Hayward i mate i te Rāapa, whai muri i tōna pānga ki te roro īkura.
Tūtohu Māori. Ngā hua 1 - 10 o te 385 mō
Ngā hua 1 - 10 o 385
Primary tabs
Ngā hua kimi
-
Ka whiwhi mahi te haukāinga i te pāmu pīpī paopao e whitu mīriona tāra ki Waikato
E kaha tautoko ana ngā marae tōpū o Waikato arā, Ngā Muka Development Trust me Waahi Whānui i tētahi pāmu pīpī paopao ka tukua ki te tekau ōrau o te mākete heihei i te ao, e tū ana ki Whangape, tata ana ki Rāhui Pōkeka. Hei tā te heamana o Ngā Muka, hei tā Glen Tupuhi, ko te painga atu, he mahi mō te haukāinga.
-
2019 Ko te tau mō ngā reo iwi taketake o te ao
Ka whakatauria e Te Kotahitanga o Ngā Whenua o Te Ao, koinei te tau hei pupuru, hei whakarauora, hei whakatairanga i ngā reo o ngā iwi taketake o te ao. E ai ki tētahi mātanga reo Māori, e ai ki a Tawhirimatea Williams, kei te kāinga kē te orokohanga o te whakarauoratanga o ngā reo katoa.
-
He Pātaka Kai hōu hei whāngai i ngā ratonga whakahiato ora me Oranga Tamariki
He Pātaka Kai hōu ki Tāmaki Ki te tonga ka whāngai atu i te hapori ki ngā ratonga o te Manatū Whakahiato Ora, Oranga Tamariki me ngā kai, rawa hoki mō te utu kore. E ai ki te kaiwhakatū takirua e a ki a Liz Kiriona, he tuatahinga tēnei hei āwhina i te maha o ngā hiahia o te hapori.
-
E pokea ana Ngā Whare Āhuru Mowai e te mahi nō reira me nui ake te pūtea tautoko
Me rahi ake te kāwantanga i te putea tautoko kia ea ai te hiahia o ngā whānau e hia mano nei kua pākinohia e te tūkino. Koirā te whiu a Te Rōpū Āhuru Mōwai o Tāmaki Makaurau. E ai ki a tētahi kaitaunaki Māori, e ai ki a Megan Grace inā te nui o ngā whānau e kitea ana e rātou i tēnei wā o te Kirihimete, engari he iti noa ngā rawa.
-
Me piki ake te utu ora ki ngā kaimahi uru huarākau
Me piki ake te kāwanatanga i te utu ora a ngā kaimahi uru huarākau kia ora ai te whānau. He utu whāngai e tika ana mā ngā kaimahi me o rātou whānau.
-
E whakarite rautaki tētehi Uru Huarākau Huakiwi Māori i te ruarua o ngā kaimahi
Kei te whakatikatika rautaki kē tētahi uru huarākau kiwi Māori ki te kimi kaimahi hōu me te whakapae kei tokoiti rawa te hunga hauhake hei te wā o te hauhake hei te marama o Māehe tīmata ai. E ai ki te mema o Te Taratī o Ngāi Tukairangi a Carlo Ellis kia mau tonu ki ngā hua katoa.
-
Me puta te karanga me mutu te whakamahi pokanoa i te ahurea Māori
Me aukati te whakamahi pokanoa i ngā ahurea Māori. Koira te whiu a tētahi Māngai Take Waitohu Māori, a Karaitiana Taiuru ki ētehi pakihi i Aotearoa, otia, he mea tautoko hoki e ngāi Māori. Ē ai ki a Taiuru, ko BP me Te Ware Whare ētahi o aua pakihi.
-
Kua puta te karanga ki te kāwanatanga ki te whakatū putea hei whakakore i te noho pōkaikaha a ngā tamariki
Kei te kōkiri te tumuwhakarae o Whāngaihia te Matekai i te kāwanatanga ki te whakatū tahua putea hei whāngai i ngā tamariki i roto i ngā kura katoa. Otia, kua whakamānawahia te poukōkiri i ngā kai i roto i ngā kura a Laurie Wharemate-Keung ki te tohu New Zealand Order of Merit, mō āna mahi hāpai i ngā tamariki.
-
Kei te whakatewhatewhangia tonu ngā pirihimana i te kōhuranga o tētehi tāne nō te moutere o Matakana
He kōhurutanga e whakatewhatewhangia ana e ngā pirihimana whai muri i te matenga o tētahi tāne e rua tekau mā rua tau te pakeke, nō te moutere o Matakana i te rangi tuatahi o te tau hōu Pākehā nei. I tēnei wā, he kōrero whakamārama e hiahiatia ana e nga pirihimana o Tauranga te hunga i noho ki te hopuni rangitahi ki te Rori o Matakana Point i te rā i mua, i te rā tonu o te tau hōu anō hoki. Koira te wāhi i kitea ai te tūpāpaku.
Pages
- 1
- 2
- 3
- 4
- 5
- 6
- 7
- 8
- 9
- …
- e whai ake nei ›
- whakamutunga »