E whakapaetia ana, ka tono atu te pirihimana kaitirotiro nei, a Hurimoana Denis i tana rihainatanga mai i tana tūranga heamana ki Te Puea marae ki tētahi hui a te poari o te marae a te pō nei. E whai ana tēnei i te matapae, taihoa ake nei ia ka ūhia ki te whakapae mō te kahaki i tētahi rangatahi, he tekau ma whitu tau te pakeke. Ko te whakawhiu mō te hara nei, he tekau mā whā ngā tau ki te whare herehere. Mo te roanga ake o ngā kōrero kia whakawhiti atu tātou.
Tūtohu Justice. Ngā hua 21 - 30 o te 42 mō
Ngā hua 21 - 30 o 42
Primary tabs
Ngā hua kimi
-
Taranaki hapū oppose council land sell off
Ko ngā iwi hapū o Taranaki i patu i te huarahi i te rā nei hei tohe raukura atu ki Te Pire Whenua o Waitara a Te Kaunihera ā-rohe o Ngāmotu. He pire tēnei ki te whakaturehia, ka āhei te kaunihera ki te hoko atu i te whenua, heoi ko tā te hau kāinga, he whenua i raupatuhia i te kotahi rau tau, neke atu, ki muri.
-
Kaumatua speaks Māori, threatened with arrest
Kei te puku te rae o Kura Moeau i te whakatau a te pirihimana i mau ai ia ki Pōneke, tērā ka mauherea ia i tana whakautu pātai i roto kē i te reo Māori. Hei tā ngā kōrero a te pou tikanga Māori nei o te whare pāremata, kīhae ia i mahi hē, ā i te whakamana noa iho ia i tōna mana kia kōrero i tōna reo, he reo tūturu tonu o tēnei motu.
-
Māori should utilise the UNDRIP- Professor Mutu
Ki Tāmati Makaurau ā te pō nei tū ai te tuatahi o ngā hui whakawhiti kōrero i Te Whakapuakitanga o te Rūnanga Whakakotahi i ngā Iwi o te Ao mō ngā Tika o ngā Iwi Taketake, e tata ana ki te tekau tau nō tana whakamanatanga. Ko te pātai ia, he aha ngā pānga o taua kawenata ki a tātou i Aotearoa, ā he aha hoki ngā rerekētanga kua hua ake i a ia?
-
Māori offer support to whānau of killed Aboriginal teenager
Kei te whakakotahi atu te hapori Māori i Te Uru Pū ki te whātoro atu i te ringa āwhina ki te whānau o te tamaiti iwi taketake, he tekau mā whā ōna tau, ko tōna whakamatenga i pakaru mai ai te riri ki taua takiwā. E ai ki nga rīpoata, nā te riri kaikiri ia i mate ai.
-
Prisons are a place of crime not rehabilitation- Workman
Me whakatū Pakirēhua Motuhake mo ngā ture o Aotearoa e hāngai ana ki te hunga mauhere. Koinei tā te pū mātauranga tā Kim Workman i āna tūtohutanga ki te nohonga a Te Rōpū Whakamana i Te Tiriti o Waitangi e ruku atu ana ki te tokomaha o te hunga Māori kei rō whareherehere. Kei a Ripeka Timutimu ngā kōrero.
-
Time to abolish prisons- Moana Maniapoto
Me kapi ngā whare herehere, koira tā te mātanga ture tā Moana Maniapoto me tana āki kia tū i a Ngāti Kahungunu he kaupapa motuhake mō ō rātou uri e takarepa ana. Nā Maniapoto ēnei whakaaro ōna i whāriki ake ki te whakatewhatewha a te Rōpū Whakamana i te Tiriti o Waitangi i te korenga o te kāwanatanga e aro ki te tokomaha o te hunga māori kei rō whare herehere.
-
Murder vs manslaughter laws need to be revisited- Quince
He karo, koirā tā Khylee Quince mō tā te kāwanatanga whakamārama i tāna whakaae ki te whakangāwari i te whiu mō te matenga o Moko Rangitoheriri. E ai ki te tohunga ture nei, ahakoa te tika o te roa o te whiu, ko te ingoa noa o te whakapae e rerekē ana.
-
Father of victim calls for tougher sentences
I mate te pēpi o Matene Te Aho, e rima marama noa iho te pakeke o Mikara Ranui Jarius Reti, nā te ringa o Trent Hapuku i mate i te tau rua mano tekau tahi. Ko tā Te Aho me roa ake ngā whiu o te ture. E iwa noa iho ngā tau ka noho a Hapuku ki rō whare herehere mō te matenga pokerehū.
-
Lawyer supports action against artist’s use of minor’s image
Ka herea a wai, he aha hoki ō mōtika ki te whakamahia poka noatia ō whakaahua ki te ipurangi mō te mahi hokohoko? Koirā ngā pātai i te tūnga o ngā pihi i te ao Māori mō te whakamahinga hē o ngā pikitia o ngā tīpuna Māori, o ngā mahi ō-nehe, o te kōtiro Māori hoki, i tāia ki ngā rawa hoko o te pae tukutuku fineartamerica.com.
