He taumata anō kua ekea e te iwi o Ngāti Toa, i te waitohutanga o tētahi whakaaetanga me te Karauna hei whakawhanake i ngā whare kāwanatanga i te uru o Porirua. Mā tēnei e riro ai i te ratonga whare o te iwi, e Te Āhuru Mōwai te mana whakahaere i ngā whare e iwa rau i te rohe rā hei ngā tau e 25 e haere ake nei.
Tūtohu Housing New Zealand. Ngā hua 1 - 10 o te 34 mō
Ngā hua 1 - 10 o 34
Primary tabs
Ngā hua kimi
-
E ea haere ana te moemoeā o ētahi whānau Māori ki te hoko whare
E ea haere ana te moemoeā o ētahi whānau Māori ki te hoko whare i te tīmatatanga o ngā mahi hanga whare hōu e waru tekau ki Kirikiriroa. Hei tā te Tumu Whakarae o Waikato-Tainui, ka whiwhi kāinga hōu ngā whānau uri e rima tekau i te kaupapa hanga whare tekau mā tahi miriona tāra te utu, o Te Kaarearea me Te Kaporeihana Whare o Aotearoa.
-
E ngana ana tētehi iwi ki te tonga o Tāmaki kia whai reo ai mō ngā whare hōu e 10, 000
Ko Te Ākitai o Waiōhua, i te tonga o Tāmaki Makaurau kei te hiahia whai wāhi atu ai ki te tēpu kōrero i te putanga o te kaupapa a te kāwanatanga ki te whakatū kia tekau mano ngā whare hōu ki Ngā Hau Māngere. He hautoru o ēnā whare ka hokona i raro i te kaupapa Kiwi Build, he hautoru hoki ka noho hei whare kāwanatanga.
-
Me tūpato kei huri hei nohonga pōhara kē ngā whaitua noho hōu e 280 ki te pokapū o Tāmaki
Me tūpato kei huri hei nohonga pōhara kē te māhere a te kāwanatanga ki te hanga i ngā whaitua noho hōu e rua rau e waru tekau me ngā ratonga toka i te ora ki te wahapū o Tāmaki Makaurau. Koirā te whakatūpato a te Kaimīhana o Te Whare Mīhana o Tāmaki Makaurau a Chris Farrelly. Heoi hei tāna anō ki te tika ngā whakaritenga ka mimiti haere te puna o kāinga kore i rohe rā.
-
He haumaru tonu ngā whare kua whakawhenumihia ki te whakapōauau P- Ripoata a te Kāwanatanga
E ai ki tētahi rīpoata hou a te Kāwanatanga tē taea te para whakapoauau P kua whakawhenumi ki rō whare te pā ki te hauora o te tangata. Na runga tēra whakatau ko tā te Minita Take Whare a Phil Twyford kua moumoutia te $100-miriona neke atu ki te whakapaipai i nga whare papori i tēnei ngarara.
-
Ko te Whakawhanaketanga ā Iwi me te hanga whare ngā aronga tau hōu o Mahuta
Ko te whakawhanaketanga o ngā Iwi me ngā kaupapa hanga whare ā-Iwi ētahi o ngā aronga nui a te Minita Whanaketanga Māori hei te tau hōu nei. E hui tahi ana a Nanaia Mahuta me ngā iwi ki te whakawhitiwhiti kōrero i a rātou whāinga me te kite ake, ka pēhea e taunaki atu ai te kāwanatanga.
-
Ka whawhai tonu tētehi kuia i te whakatau kōti teitei
Kei te pakanga tonu tētahi kaipenihana e ono tekau mā rua tau tōna pakeke kia noho tonu ia ki tōna whare kaporeihana.
-
E matarahi ana te mate kore kainga ki Manurewa
Kō atu i te rua rau tāngata nō te puku o Manurewa anake nei e tatari tonu ana kia whai whare papori hōu. Ko te whakahau a te mema paremata o Manurewa a Louisa Wall me aro atu te kawanatanga ki te whakatika i te mate kore kainga.
-
E tū tahanga ana te hapori o Manurewa hei whakakore i te āhuatanga kāinga kore
Kei te pukuriri te hapori o Manurewa i te matenga o tētahi tangata kainga kore i mua i tā rātou kuaha tonu. I tū tētahi hui ohorere i te rangi nei kia aronui ki te matenga.
-
PūrongoTahua 2017: $2-piriona hei hikina te pūtea mo te whānau
E $2-piriona tāra te pūtea ia tau mo ngā whānau 1.3-miriona puta noa i te motu, hei hiki i te pūtea ā-pūkoro mā te $26 ia wiki. E whai ana tēnei i te $2.23-piriona tāra hei whakatū 34,000 whare ki Tāmaki, engari ko ētahi e kimi āwhina tonu pēra i te rohe o Rotorua.
