Kua toka te kuhunga o Te Wānanga o Raukawa Pulse ki ngā whiringa whāiti, otirā, ko te tākaro ki te kāinga hoki, i te hinganga o te kapa Northern Stars i a rātau. Kua roa e matapaetia ana koinei te kapa o te tau, ā, e ū haere ana tēnā whakapae i tēnei toanga o rātau.
Tūtohu Hākinakina. Ngā hua 41 - 50 o te 67 mō
Ngā hua 41 - 50 o 67
Primary tabs
Ngā hua kimi
-
PūrongoE hikahika ana te ahi o te whakataetae ANZ
E hikahika ana te ahi o te whakataetae ANZ i tēnei te rauna tuangahuru-mā-rua, me te aha, e tahuri ana ngā kapa katoa ki te aro ki ngā whiringa whāiti e kainamu mai ana. Ko ngā piki me ngā heke kitea i ngā kēmu o te Rātapu i tū ki te whare o Pulman Arena.
-
Pūrongo
E hoki mai ana te kapa Warriors ki te tukituki ki te kapa Broncos
Kua whakaingoatioa ngā kaitākaro Warriors ka tuki atu ki ngā Brisbane Broncos hei te otinga wiki nei. E whai ana te kaiako matua, a Stephen Kearney ki te whakarauora anō i a rātau nō muri mai i tō rātau hinganga i te kapa Penrith Panthers me te whakahoki mai i te āhua tākaro i kitea ai i te tuwheratanga o tēnei whatinga.
-
Pūrongo
Te haukerekeretanga o te kapa Magic e te kapa Steel
Kua hinga anō te kapa Bay of Plenty Magic i te kapa Southern Steel i tēnei te rauna tuangahuru o te whakataetae ANZ. He perenga anō tēnei hei āpiti atu ki ngā wharanga maha o ētahi o ngā tautōhito o te kapa i tēnei, te wāhanga whakamutunga o te whatinga.
-
E aro ana ki te angitū
Kua kōwhiria te uri o Te Atiawa, a Mario Hildred hei kanohi mō Aotearoa ki ngā taumahekeheke piriota rangatahi a Valley National Eight-Ball League Association ka tū ki Amerika i tēnei wiki. Ko te wā tuatahi tēnei kua puta a Hildred ki te atamira o te ao ki te tākaro i tēnei hanga piriota.
-
Pūrongo
Ka takitahi ngā whetū mō te Kapa Stars
E tīahoaho ana te kapa Northern Stars nō muri mai i tō rātau wikitōria tuatahi o te whatinga i te whakataetae ANZ. I hinga i te kapa Stars te kapa Tactix i mua i tonu i te mano tini o te haukāenga, me te aha, i pakaru mai te rikarika.
-
Kua whakaingoatia te kapa haratau Tāroaroa Pango
E 20 ngā kaitākaro kua tohua ki te kapa haratau mō te kapa Tāroaroa Pango, ā, he tokomaha hoki he Māori. Ā kō ake nei puni ai te kapa haratau i mua mai i te tākaro ki ngā kapa matua o Hong Kong me China i te rauna kōwhiri e uru ai ngā tīma ki te whakataetae poitūkohu ā- ao a FIBA.
-
Pūrongo
Ko NSW kai runga, 1-0
Ko te kapa New South Wales tērā i wikitōria i te kēmu tuatahi o te State of Origin, i tū ki te papa kirikiti o Poipiripi ināpō. Ko te tautauranga whakamutunga e rua-tekau-mā-rua ki te tekau-mā-rua. Tokomaha ngā torekaihuruhuru kua eke ki te kapa, ā, e whakapaetia ana koinei i eke panuku ai te kapa o New South Wales.
-
Pūrongo
Māori All Black wants to play for England
E whai ana te kaitākaro o te kapa Ō Pango Māori, a Ambrose Curtis i ngā tapuwae o te kaitākaro o te kapa o Māori o Aotearoa, o Riki Flutey hai kaitākaro ki Ingarangi. Kua kirimanatia te kaiparirau o te kapa whutupōro o Manawatū e te karapu Wasps ki Ingarangi. Kua whakakanohi hoki a Curtis i a Aotearoa, kaua anake i ngā mahi whutupōro, engari hoki ki ngā mahi whutupōro takiwhitu anō hoki, ā, e tūmanako ana a ia ināianei, kia eke ki te kapa matua o Ingarangi.
-
E ono wikitoria karapīpiti ki te kapa Pulse
E noho tonu ana te kapa Pulse ki te tihi o te maunga o te whakataetae ANZ nō muri mai i tā rātau tukinga ki te kapa Mystic ināpō. Kitea ai te tau o te kapa Pulse mai i te tīmatanga o te kēmu i tēnei te toanga tuaono karapīpiti o te whatinga, he tuatahitanga ki tēnei kapa.
