Kua whakatōpū Te Whareherehere Wāhine o Tāmaki Makaurau i ngā tūmomo mahi me ngā akoranga mō te wā tuatahi hei whakatairanga mā ngā wāhine. He kaupapa i raro i te Rautaki o Te Ara Poutama mō ngā Wāhine kia whakakore i te hara tōwai, kia whai wāhi ki ngā mahi i ā rātou putanga.
Tūtohu Education. Ngā hua 71 - 80 o te 417 mō
Ngā hua 71 - 80 o 417
Primary tabs
Ngā hua kimi
-
Teachers say put more reo in schools
E karanga atu ana ngā kaiako kia whakatūturu i te reo me te kapa haka ki roto i ngā kura. E puta ana ēnei kōrero whai muri i te rīpoata 'Education matters to me' i te kaikomihana tamariki, e ai ki te rīpoata, e rongo ana ētahi o ngā tauira i te kaikiri ki ngā kura. Hei tā Lewis Anderson, 'It should be introduced in all mainstream schools, We're teaching our children te reo maori me ona tikanga and it's proving to be a good support for them for all subjects across the board.' I pērā tonu ngā kōrero a kaiwhakaako kapa haka, a Tiakina Te Kare, 'Make kapa haka known in more schools and more compulsory for others and give others more opportunity to learn te reo māori in kura. It helps them to learn respect for others. helps them to discipline themselves with how they're meant to act outside of school as well.' Tōna hau whā o te kotahi mano ono rau ngā tauira i uiuitia e te tari o te kaikomihana tamariki me te tōpūtanga tarahiti o ngā kura he Māori ka mutu i tautokohia e te hunga rangatahi i ngā whakapae kia māori te taiao i ngā kura. E ai ki tētahi tauira, me whakatūturu i te reo ki roto i ngā kura. E whakapae ana tētahi atu kia maimoatia te reo i ngā wā katoa, kia tangata whenua ki waenganui i a tātou. He whakapikinga wairua te ahurea Māori ahakoa te whakapapa o te tangata. Hei tā tētahi tauira, ahakoa he uri Ngāi Kiwi e pai tonu ana ia ki te ahurea Māori ka mutu, me pēhea e kore ai. Kua puta te kōrero i a ASB Polyfest kia nui ake te reo Māori me te ahurea Māori ki rō ngā kura puta noa
-
He mahi whakaweti, he tūkino tangata
E mea ana te whānau o tētahi ākonga, tekau mā rima ōna tau, i rongo i te tini o ngā haupatutanga ki tōna māhunga, kua rahi te mahi whakatumatuma ki a ia. Kua whakatakototia atu he amuamu ki te Tari Pirihimana me te hiahia a te whānau kia whiua te rākau o te ture ki te whakatuaki. Hei whakatūpato, he pikitia pākaha te whai ake nei.
-
Neke atu i te 600 ngā tūranga kaiako e whakatairangitia ana
E rongo ana ngā kura huri i Aotearoa i te ngau o te kōpaka o ngā kaiako. He neke atu i te ono rau ngā tūranga kaiako kura tuatahi, kura tuarua anō hoki kei te whakatairangahia i tēnei wā.
-
He rata te Hoe Waka Tāngata i te Hui Taurima o te awa o Waikato
Kua hoe te iwi tūmatanui i te awa tūpuna o Waikato i Kirikiriroa mā runga waka tāngata me te rongo i ngā kōrero tuku iho. He mea uaua tēnei haerenga te whāwhā e te iwi whānui, heoi, kua whai wāhi i raro i te karanga o te hui taurima o te awa o Waikato.
-
He tauira Māori e haere ana ki te Hui Iwi Taketake NRL
Tokowhā ngā rangatahi Māori kua kōwhiria kia haere ki te hui Rangatahi Iwi Taketake NRL ki Poihākena, ki Ahitereria. Ono tekau mā waru ngā rangatahi iwi taketake kua kōwhiria e ngā karapu NRL kia tae atu ki te hui nei arā, kia whakaakongia rātau ki ngā pūkenga me ngā mahi a te kaiarahi.
-
Ka tūwhera anō a Hato Tīpene
Ka tūwhera anō ngā whare o Te Kura Tuarua o Hato Tīpene. He whakatau tēnei nā Joe Harawira, te heamana o ngā ākonga ō mua o te kura.
-
He kaikomihana kua tohua ki te kura o Hato Petera
Kua whakakorea te poari whakahaere i te kāreti o Hato Pētera, ā, kua whakatūria he kaikomihana hei whakahaere i te kura Māori kua roa e pokea ana e te raruraru.
-
Kua puta ngā tatauranga NCEA
He $10,000 kua whakawhiwhia atu ki a Nikayla Williams (Ngāti Tūwharetoa, Ngā Ruahine) kia ako ki Te Pua Wānanga ki te Ao o Te Whare Wānanga o Waikato.
-
He mahi whakamāori i ngā rauemi whakaako ki rō kura
He kaiako kura tuatahi i ngā tau rua tekau mā rima, kua hokona atu e Tamsin Hanley tōna whare kia āhei ai tana rangahau me te waihanga rauemi e kīa nei, 'He Tikanga Arohaehae i ngā Hītori a te Māori me te Pākeha'. He kaupapa whakapakari kai-mahi e hangai pū nei ki te whakaako i ngā kaiako mātauranga ki ngā kōrero tuku iho mō Aotearoa, kia tika, kia pono.
