Ko te hapori o Wairoa kei te tautoko i te karanga a ētahi kuia kia whakakorea rawatia te taimiri P. Hei tā te koromatua tuarua o Wairoa, ki a Denise Eaglesom-Karekare, e ngau kinotia ana te hapori e te ngāngara nei.
Tūtohu Drugs. Ngā hua 1 - 10 o te 38 mō
Ngā hua 1 - 10 o 38
Primary tabs
Ngā hua kimi
-
He whakakōrero i te ngārara P
He ara kei te takahia e Rangi Kapa Pou hei hāpai ake i te hunga waranga ki te whakapōauau P, otirā i ngā whānau hoki kua pokea. Ko tā te kaikōrero whakaohooho nei, he whiti i te māramatanga mō ngā pānga kino o te waranga ki te pūroi P, otirā he āwhina anō hoki i a rātou e pōkaikaha ana, e tangi nei hoki.
-
Ka whai hua ngā marae i Rotorua, ko ngā wānanga P te take
Kei te whakaako a Kevin Hollingsworth i te iwi e noho ana ki Rotorua ki ngā kino o te taimiri P, he tangata kai i tēnei tarukino ō mua mo ngā tau e whitu kua noho P kore. He kaimahi nō Te Utuhina Manaakitanga e awhi nei ki te whakahaere wānanga ki runga marae mo te taimiri nei, ā, kia noho hei tauira whai ma ētahi atu.
-
Kua whakamihia te tokorua nō Ngāti Hine mō te pakanga i te Pī
He raurau tonu ngā tono ia tau mō te tioata whakaihi, he ngangara nui te pī ki waenga i ngā hapori puta noa. Erangi e whēke ana te tokorua nei o Ngāti Hine ki te whakamutu atu i te ngāngara nei ki roto i tō rāua hapori i te tai tokerau mā te aukati i te hoko atu o ngā paipa pī i ngā toa ka mutu e tautoko ana te iwi
-
Ka whakatairanga i te hunga pōkaikaha o Rotorua i te Rā kāinga kore i te ao
Ki Rotorua, e ai ki tētahi rīpoata o Lifewise kua pū rua neke atu te rahinga o te hunga noho kāinga kore i te taonenui i ngā tau e toru kua hipa. Nā whai anō te tū o tētahi ratonga toko i te wairua, aukati waranga anō hoki ki te whakatairanga i te take nui nei i tō rātou hapori.
-
Ka taupatupatu ngā kaitono Māori i ngā take pūroi, mate hinengaro hoki
Ko te mana o ngā turu Māori, ko tēhea hoki te huarahi tika ka taea te awhi ngā whānau Māori e raru ana i ngā momo pūroi me ngā raru mate hinengaro. Koinei ētahi o ngā kaupapa taupatupatu i te whiuwhiu haere ki waenga i ngā Māori kei te tū ki runga i ngā rārangi whānui, kei te whai pōti hoki ki ngā tūru whānui.
-
E rere urutā ana te taru waihanga ki Rotorua
Tekau mā tahi katoa ngā toronga a ngā waka tūroro o Rotorua i roto i te rua tekau manā whā haora, kia torona atu te ringa rauora ki te tekau mā rima tāngata. Tērā te whakapae, ko te katoa pea o rātou i raru i te kai taru waihanga.
-
Kei te pukuriri ngā kainoho o Matatā ki te mahi whiu para a ngā kaiwhakamahi P
He whawhai kei te haere ki te rohe o Waiariki ki te whakapōauau P. Kei te pukuriri ngā kainoho o Matatā ki te mahi whiu para a ngā kaiwhakamahi P ki ngā wāhi whānau.
-
He karo taru waihanga te mahi a te Ture
Ahakoa ngā kōrero a ngā pirihimana, kahore he rangahau e tautoko ana i ngā kōrero e taami ana i ngā taru waihanga. He kino tonu ngā iroiro o roto.
-
PūrongoKo te Moko kauae he ara hou ma tētahi kiriwara-ō-mua
He kiriwara ō-mua e tohe nei i te pūroi P, a Tricia Walsh kei te mau moko kauae ināianei, hei tohu i tōna oranga hōu. He wahine i tipu ake i roto i te mahi tūkino, i te patu tangata, i te kai whakapōauau hoki i ngā tau ki muri.
