Ehara i te mea ohorere inā te nui o te hiahia āwhina kai a Te Ope Whakaora i te wā kirihimete nei. Koira te whakahau a te heamana o te marae o Te Puea a Hurimoana Dennis. Tōna tekau mā ono mano ngā tamariki i āwhinatia e Te Ope Whakaora, heoi, hei tā Dennis, e pēnei ana te āhua i te maha kē atu o ngā take kei te pēhi i ngā whānau.
Tūtohu Christmas. Ngā hua 1 - 10 o te 39 mō
Ngā hua 1 - 10 o 39
Primary tabs
Ngā hua kimi
-
NZ Breakers take time-out for whānau this Xmas
Kua whai wā whakatā te kapa SKYCITY Breakers ki te paku whakatā i tēnei te wā e pokea kahatia ana te kapa Poitūkohu. I tae ake tā mātau karere, a Ruth Smith ki te kōrero tahi ki ētahi o ngā kaitākaro o te kapa mō ā rātau mahi me ō rātau tūmanako mō te Kirihimete.
-
Ka tae ā-tīnana atu te Minita o Whānau Ora Minister ki te marae o Ngā Whare Waatea
Ki te tonga o Tāmaki, kua tae ā-tinana atu te Minita o Whānau Ora a Peeni Henare ki te marae o Ngā Whare Waatea i te rā whakamutunga hei tuari pouaka kai, nā te tono a te Kaiwhakahaere o Whānau Ora ki Te Uepu Noho Taone o Manukau i tuku. Kei te hiahia hoki te kaiwhakahaere, a Veronica Henare ki te akiaki i te kāwanatanga kia kaha ake te tautoko ki ngā whānau pōkaikaha i te wā kirihimete.
-
E whakaaro ana te Minita Manatū Whakahiato Ora kia whakatū tari iti ki ngā marae
Ko te whakatū tari iti o Te Manatū Whakahiato Ora kei te whai whakaarohia e te Minita. He karanga tērā nā te tumu whakarae o Papakura Marae rāua ko te kaiwhakahaere o Whānau Ora ki MUMA. E ai ki a rāua, e whakatauirahia ana taua whakaaro e tā rātou mahi ngātahi ki ngā kai-mahi whakahiato ora hei tuari i ngā pouaka kirihimete ki te huhua o ngā whānau pōkaikaha.
-
E wero ana te kāwana kia tūwhera ake ngā pūkoro hei āwhina i ngā whānau pōkaikaha hei te Kirihimete nei
Inā te nui o ngā hiahia tē taea te whakatutuki. Koirā te whakahau a te kaiwhakahaere o Whānau Ora ki Te Uepu Noho Taone o Manukau mō te tokomaha o ngā whānau e haere atu ana ki te marae o Ngā Whare Waatea ki te tonga o Tāmaki Makaurau ki te whiwhi pouaka kai. Ko te whakapae a Veronica Henare e hia rau ngā whānau ka noho kai kore tonu hei ngā rā o te kirihimete nō reira me tūwhera te kāwanatanga i ngā pūkoro hei āwhina.
-
Kua tīmata kē ngā whakanuinga o te kirihimete mō ngā whānau e 300 o Anahera Rākau
Ki Tāmaki Makaurau, kua tīmata kē ngā whakatairanga manamanahau o te wā mō ngā whānau e toru rau o te hunga mauhere. Mō te wā tuatahi ka tū ngā whakamānawa o te kirihimete o Anahera Rākau, ki te marae o Mataatua i Māngere.
-
Te hoko atu o ngā taonga kirihimete ki runga ipurangi
Me whai whakaaro te hunga kīhae i rata ki ō rātou perehana ki te wahine i whihwhi he konga mo te wā Kirihimete. Koinei tētahi perehana o te tini me te mano e hokona atu ki Trade Me.
-
Kāre tahi he rā whakatā mā ngā Kaipatu Ahi
Ia rā, ia rā, kei te takiwā o te rima ngā wā e karangahia ai Te Whare Patu Ahi o Manurewa, ahakoa te wā o te tau. I kōrero atu te āpiha o taua Whare Patu Ahi a Richard Fowler ki a Te Kāea, mō te āhua o ā rātau mahi i tēnei wā o te tau.
-
Kua whera te pātaka o manaaki ki Manurewa
Kei te tohatoha i te wairua Kirihimete ki ngā whānau rawakore, arā, he hākari ā-hapori i tū ki Manurewa, ki Te Tai Tonga o Tāmaki. He kaupapa nā Whānau Ora rātau ko Te Rōpū Kaupare i te Tūkino ā-Whānau o Aotearoa, he ratonga e tautoko nei i ngā whānau ki te rohe o Tāmaki Makaurau kei te pari o te rua, kei raro e putu ana rāinei.
-
He aki nui tā te ope Pirihimana kia mataara ki runga i ngā rori
E noho pania nei ngā whānau o te tokorima kua mate i runga i te rori i tēnei wā kirihimete. He tekau nui ake nga aituā o te wā nei i ngā mate o tēnei wā, i tērā tau. Nā whai anō te āki nui a Te Ope Pirihimana o Te Tai Tokerau ki ngā kaitaraiwa katoa, kia mataara.
