Ngā kaupapa: NZ Defence Force - Te Ope Kātua, Politics

Whānau accompanied repatriation 'can't be done' - Ron Mark

Talisa Kupenga

Kei te tautoko te Kaiarahi Takirua Kākariki a Marama Davidson i te karanga a Paul Thomas, ika ā whiro, kia tū ia hei kanohi mo ngā whanau ika ā whiro i te hahutanga i Mareia a ngā marama tata nei. Engari ko tā te Minita Kaupapa Waonga e kore e taea.

Kei te kaha tautoko a Marama Davidson kia tae atu a Paul Thomas ki nga whakaritenga katoa hei whakahoki mai i ngā kōiwi hōia.

"Kei te hunga a Ngāti Tūmatauenga te tikanga me te mana ki te whakaae ki ngā tikanga Māori mo tēnei mahi no rēira koira taku tono ki a rātou ki te Minita hoki ki te tautoko.

Ko te tuakana o Paul Thomas a Adrian te hōia tuatahi i hinga i Mareia i te tau rima tekau ma ono, ā, koia hoki tētahi o ngā tūpāpaku rua tekau ma iwa ka whakahokia mai ki Aotearoa.

Ko tā Thomas māna e utu tāna haerenga, he tono tēnei i raro i te tikanga Māori, me te mōhio kua tono ētahi atu o ngā whānau ika ā whiro kia kawe e ia tēnei kaupapa.

Ko ta te Minita Kaupapa Waonga e kore e taea na runga i te tukanga o Mareia. Engari he kanohi kitea o Te Ope Katua ka tū kia whai ngā tikanga Māori.

"There is provision for families if they wish to make their way over and attend the gravesite before disinterment, they can't be there during the disinterment that's just something that can’t be done."

Ko tā te Māngai Kaupapa Waonga o Nahinara a Mark Mitchell me tiro ano tēnei tono.

"I don't necessarily think or know whether or not it would be appropriate to have someone graveside while the exhumation was going on but I think that would be very appropriate to have a family representative or someone there to accompany the bodies back to NZ."

E toru ngā hōia i whakahokia mai i Fiji me Hāmoa Amerika i tērā marama. Kaore tētahi kanohi whānau i haere tahi i Te Ope Kātua engari i Ohakea ngā whānau e tatari ana ki ngā tūpāpāku.

Ko te whakahoki a Minita Mark ki te pātai mena rānei he karo kē te kite i te korenga o tētahi kanohi whanau ko tāna “"there may be some who see it that way and that's unfortunate."

He whā tekau tau neke atu a Paul Thomas e ū ana kia whakahokia mai tōna tuakana i runga i te tono o tana māmā kua wheturangitia.