Kaupapa: Land

Hei tā te Āpitihana kia taihoa ngā whakahōutanga ki te Ture Whenua Māori

updated

Kua rere ake te urupare a Te Ururoa Flavell ki ngā tao kupu, mō ngā whakahoutanga ki Te Ture Whenua Māori. 

Kua ara ake ēnei kōrero whai muri mai i tā Winston Peters rāua ko Meka Whaitiri kī ake, ehara te rōpū ārahi i ngā whakahoutanga i te hunga whai wheako.

Meinga ra hoki kei Te Ropu Arahi nga pukenga e tika ana kia whakarite i nga whakahou mo Te Ture Whenua Māori. 

Hei tā Te Ururoa Flavell, Minita Whanaketanga Māori, "Ko te roopu i whakawhaiiti mai ai e au, he hunga i nga tau kua kaha mahi nei i roto i nga mahi e pa ana ki te whenua, no reira, tuatahi, tuarua, kua haere teenei roopu ki te kawe haere ki te tohatoha haere otira ki te whakakao mai i nga korero o te ao Māori."

Engari e mea ana a Peters raua ko Whaitiri me hoki ano te kaupapa ki toona timatatanga. 

E mea ana te Kawanatanga, ka uru atu te pire hou nei, i runga i te hiahia, ka whakamāmā te pire nei i tā ngā kaipupuri whenua Māori whakamahi i ō rātou whenua.

Hei tā Flavell anō, "Ko etahi o nga korero kua puta e te waha a tena, a tena. He rukahu kahore i te tika. I tona mutunga Ko te tino kaupapa o te ture e korerohia ake nei he whakamaama ake i te aahuatanga o te huarahi."

E anga atu ana te pire ki ana hui whakamohio huri noa i te motu, hei te mutunga o te marama tatu ai te taha ki tera kaupapa.