Kaupapa: BUDGET

He aha kei roto i te tahua pūtea mō ngā kura Māori

Nō te putanga mai o ngā tahua puta i kitea he aro nui ki te reo Māori i ngā kura me tōna whakawhanaketanga, heoi hei tā Maahia Nathan tumuaki o Te Wharekura o Manurewa he nui ake ngā hiahia e rarangi mai ana i te terenga moemoeā ā ngā kura Māori. 

Ko te āwhina i ngā kaiako i ngā akomanga tētahi o ngā hiahia nui o ngā kura māori. Me whakaritea ko ngā kaupapa whakangungu kaiako, ngā rauemi hei awhina i ngā kaiako, kia pakari ai ngā kaiako e mōhio ana me pēhea te ako i te reo - Nathan.

Kua tohua e te kāwanatanga te nuinga o te whā rau rima tekau miriona tāra o te tahua mātauranga ki te hanga akomanga, erangi hei tā Nathan me wawe ake. Ko te utu te mea nui, conditions teachings conditions, ngā rauemi ki roto i ngā wharekura, tua atu i tērā e whakaae ana ahau ki tā Nanaia kia pūmau te reo - Nathan.

E tiro pī atu ana a Nathan ki te tahua pūtea kotahi miriona tāra hei hiki i ngā hua mātauranga a ngā tauira Māori i ngā kura auraki.

Hei tā Nathan ko te mate hoki o tēra kaore te kawanatanga e maia te kī kei te raru raru nga kura pakeha na te mea kei te tautoko nga kura pakeha, me ngā rauemi me nga putea rahi nei, torutoru noiho nga putea me nga tautoko ki nga kura me nga wharekura erangi ko rātou kei te angitū.

E whakamānawa ana ia ki ngā tahua mā ngā kaiako me ngā rauemi, ahakoa he kokenga iti noa.