Ko te aukati i te whiu noa i ngā kaimoana te aro a tētahi paetukutuku hōu

updated Te Kāea
  • Te Tai Tokerau
Wasted fish frames left on 90 Mile Beach - Photo / Naomi Austen-Reid

Kua tīmatahia tētahi paetukutuku e te kanohi rongonui o te ao hī ika, e Matt Watson, hei aukati i te whiu noa i ngā kōiwi ika ki ngā tātahi huri noa i Aotearoa.

Nā tētahi kainoho i Te Oneroa ā Tohe, nā Naomi Austen-Reid te raru i whakatīpako i tana kitenga atu i ngā ūpoko me ngā kōiwi tāmure, me ngā anga pāua iti kua whiua noa ki te one i ngā rangi tata nei.

Kua pōhitia te kōrero pukuriri me ētahi whakaahua ki pukamata, ā, e rapu ana i ngā tāngata nā rātou tēnei mahi tūkino.

Kua kitea ā-kanohi nei te whiu noa i ngā kōiwi tāmure ki runga oneone e te kaiwhakataki hōtaka ITM Fishing, e Matt Watson, nā tētahi tāngata whakamahi kontiki.

Hei tāna, "Ko te nuinga o tēnei tūkinotanga nā ngā tāngata hī ika e whakamahi ana i ngā mihini kontiki."

Ko tā Jim Flack whakapono, te kaikōrero matua o te Manatū Primary Industries, inā he toenga kōiwi ika ki runga tātahi, nā ngā tāngata hī ika kē, ehara nō ngā ohu hī ika tēnei mahi.

Ki ētahi pea, ko te kai i ngā ūpoko ika he āhuatanga weriweri, heoi mōhio pū ana a Matt ki tōna reka.

"Ka kai ahau i ngā ūpoko ika, me aku tamariki hoki," hei tāna.

Kua whakaritea tētahi paetukutuku hōu, 'Free Fish Heads', e Matt hei akiaki i ngā tāngata hī ika ki te tuku i ngā ūpoko ika ki ērā e hiahiatia ana.

Mō ētahi atu pārongo, tirohia te paetukutuku Free Fish Heads.