Kaupapa: Indigenous

Police and Military move in on Dakota Access Pipeline protesters

Lynette Amoroa

E hia nei nga pirihimana tauā i whakaeke ki tētahi pito whenua i Te Raki o Dakota ki te pana i nga kaiporotēhi.  He tohe kua roa e pupū ana ki waenga i nga iwi taketake me te hiahia a te kawanatanga ki te hanga i tētahi paipa hinu kei nga piriona tāra te wāriu.

Kei tua i te awe māriri, he pirihimana e tū ana, rae ki te rae ki ngā kai-whakahē i te ara paipa ki Dakota.

E ai ki tētahi Manawhenua a Frank Bull Head, “We are sick and tired of being pushed on, government don't have to answer to nobody, but they forgot about our treaties.”

Nō tenei wiki ka aukatia te ara o te paipa ki te mōkihi me te pahi e te hunga e mōhiotia nei, ko nga kaitiaki wai.

“Enough is enough, it's our turn to put a blockade up, if they want to do that to us. It's kind of like a chess game so that's why they're doing this.”

I tonoa atu e te Peihara o Morton ētahi apiha ki te pana i nga kaiporoteehi i runga i nga whakapae he mahi hara nga mahi. E ai ki nga karere, kō atu i te kotahi rau rua tekau nga kaitotohe i mauherea mo te whai wāhi atu ki te totohe nei.

Hei tā tētahi Kaitango Whakaahua a Peter Pawlowski, “They have this aggressor coming after them with no consideration of culture no consideration of legal law, and to see that as my protector of my nationality is shameful.”

E hia nei nga marama tēnei take e haere ana whai muri i te hiahia a te kawanatanga ki te hanga paipa hinu e matapaetia ana ka tūkino i te taiao me nga urupa a ngā iwi taketake.

“Those armoured vehicles up there, they're are watching, helicopters. I don't know what the outcome is going to be but I know it aren’t going to be good for us, but we are still going to fight.”

Kua karanga atu te Heamana o te Iwi Cheyenne River Sioux a Harold Frazier ki te Runanga Whakakotahi i te Ao kia aro mai ki nga tika o tōna iwi.