Kaupapa matua

Ngā Whakataetae Kapa Haka

Ko ngā pūrongo a Whakaata Māori mō te Whakataetae Kapa Haka ā-Motu o ngā Kura Tuarua, arā ko "Te Kura Wiwini, Te Kura Wawana", ka tū ki Houhoupiko i Tūranganui a Kiwa, Hongongoi 29 - Hereturikoka 1.

E 42 ngā kura nō ngā tōpito katoa o Aotearoa e whakataetae ana kia eke ki ngā tūranga matua e 9 ka tū anō hei te Rā Whakamutunga (Rāmere).

Kei a Te Kāea ngā taipitopito o ngā whakaritenga me ngā pārongo o te whakataetae, me ētahi atu kaupapa whai take.

Te mea hou

Pūrongo

Te haerenga o 'Smear your Mea' mai Rotorua ki Te Whanganui a Tara

Hei te Hui Tangarū o tērā tau ka wehe tētahi tira eke paihikara mai te urupā o Kauae ki Rotorua mo Te Whanganui a Tara hei kawe i te kaupapa o Talei Morrison kia tirohia te whare tangata. Ko Te Ururoa Flavel, kaiārahi ō mua mo te pāti Māori e ārahi i te kaupapa hei tāna, ko tō Talei hiahia kia tirohia ngā kaihaka i mua i to rātou whakaeke i te papa whakatūtū waewae o Te Matatini, nō reira me arohia ka tika.

Pūrongo

Ko te kapa haka o Te Kāhui Huringa te kai whakaihuwaka hōu mō ngā kura tuatahi o Tāmaki

Ko te kapa haka o Te Kāhui Huringa mai i te kura tuatahi o Whinireihana te toa whakaihuwaka hōu o te whakataetae kapa haka ngā kura tuatahi, kura takawaenga hoki o Tāmaki Makaurau.

I eke Te Kura Māori o Ngā Tapuwae ki te taumata tuarua, ko Te Kura takawaenga o Henderson ki te tūnga tuatoru.

Pūrongo

Ka tū ngā Kōhanga Reo ki te papatūwaewae o Te Mokotini

Tekau ngā kohanga reo mai i Tāmaki Makaurau me Te Taitokerau ki te papa whakat`ū waewae mo Te Mokotini i te rāwhiti o Tāmaki.

E ai ki te kaumātua o TKR o Te Puau Te Moananui a Kiwa a Tumanako Waiwai ma ngā pakeke anake te whakataetae o Te Matatini engari ko te whakanui i te ahurea māori te kaupapa o Te Mokotini.

Pūrongo

Prince Harry e whakamana ana i 'Te Reo'

Na runga i tōna whakamana i te reo Māori kua kapo ake a Piriniha Harry i ngā manawa o rātou i roto i te tipuna whare o Tamatekapua ki Rotorua i tēnei rā. I whakawhiwhia ki te Tiuka me te Tiuketa he korowai mo rāua tahi tatu noa ki ngā taonga maha, ko tētahi he tewhatewha mai Te Arikinui a Tā Tumu Te Heuheu.

Pūrongo

The Te Tau Ihu Kapahaka Regionals.

Nā Tema Hemi

.I oti te whakataetae kapahaka ā rohe o te tau i te rā nei ki Whakatū. E waru ngā iwi kei roto i te rohe o Te Tau Ihu ā ahakoa e wha noa iho ngā kapa i eke ki te papa whakatu waewae e hīkaka ana ngā kapa me ngā iwi o reira kia eke ki te taumata, hei whakakanohi hoki i Te Tau Ihu ki Te Matatini hei te tau e tū mai nei. 
 

Ngā kaupapa matua