Isaac Luke's te reo journey

Ahakoa i oti kē te wiki o te reo Māori i tēra wiki, e haere tonu ana te huarahi o te reo mō Isaac Luke o te kapa Warriors nōna tata nei hikina ake ai i te rākau kōrero ki a ako i te reo Māori ki te whare wānanga o Awanuiārangi, ā kīhai ia mo te tiro whakamuri.

I tutungia te hatete o te reo ki roto i a Isaac, inaianei e kongangē ana tāna hiahia i te reo.

“It's been awesome, to be able to reconnect with my culture. It's not only just me but my kids get to see it and learn it.”

Nōna tata nei tīmata ai a Issac i tāna huarahi i te reo ki te taha o Matua Abe Rangi. E mea ana ia, nā te reo ōna whakaaro kua puawai ki ngā tikanga o tōna ūkaipō.

“Just being from Taranaki and being able to sort of think about and search up where I'm from and what it means, what a rohe means and search up where our marae would have been back in the days, yeah just all those.”

Tērā ngā āwangawanga i puta mo te tokoiti noa iho o ngā kaitākaro Māori e reo Māori ana. Heoi e mea ana a Issac kua kaha hoki te tautoko a tōna kapa i a ia.

“The boys are enjoying it and I get to speak to a few of our young Māori boys and yeah it's pretty funny.”

Ā, tēra pea kua oti kē te wiki o te reo Māori, heoi ko te manako ia ka horapa whānui te ahi o te reo i waenga i te motu.