Parata still to resolve Kura NCEA issue - Principal

Mānia Clarke

He nui ngā hua kua puta ki ngā kura reo Māori i a Hekia Parata. Heoi, ko tā te tūmuaki tuarua o Te Rūnanganui o Ngā Kura Kaupapa Māori, ko tā Rāwiri Wright e tūmanako ana, ko ō rātou āwangawanga mō ngā paearu ā-motu ka ea i te Minita Take Mātauranga hōu.

I nui ngā wawata a Te Rūnanga Nui o Ngā Kura Kaupapa Māori i te ekenga atu o Hekia Parata hei minita wahine Māori tuatahi mō te mātauranga, engari, kāore anō te katoa kia ea.

E ai ki a Wright, “Ko te tohe e noho tārewa ana, ko tērā e pā ana ki ngā whanaketanga.  Kāore mātou e whakaae i mua i tana taenga atu ki te whare paremata, ā, kei te pērā tonu.  Heoi anō, ko te tūmanko ia, ka whai wāhi ai mātou te hui tahi ki a ia, ki te whakatau i te take nei.”

E mihi atu ana a Angela Roberts, te perehitini o PPTA ki te Minita me tana kōkiri i ngā kaupapa hei whakapiki i te angitū o ngā tauira Māori i te whakamātautau NCEA.

“She's really focussed the attention of the sector, and she's really supported schools of special character, our kura to support each other and to really set the sights high for Māori students.”

Nō te tau rua mano tekau mā tahi i eke a Hekia Parata hei minita mō te manatu mātauranga.  E whakaae ana a Angela rāua ko Rawiri ka nui tonu ngā mahi hei whakapiki ake i te mātauranga o ngā ākonga Māori i roto i ngā kura auraki, kura mātauranga Māori anō hoki.

“The challenge we have is that some of the legislation that has come in while she has been minister, such as that that enables charter schools, undermines some of the amazing work that is happening in our schools for our Māori students,” hei tā Roberts

E ai ki a Wright, “Ko te āhuatanga ki te tino rangatiratanga tonu, kei roto i te ao mātauranga, kei ngā ringaringa tonu a te Pākeha te oranga, e ai ki a rātou.  Mātou Te Rūnanga nui o Ngā Kura Kaupapa Māori e mea ana, ko te oranga o ngā kura kaupapa Māori Aho Matua, kei a mātou.” 

E tatari ana Te Rūnanga nui o Ngā Kura Kaupapa Māori ki te whakatau a te tari o te Minita, ki te kōrero ngātahi whakatau ai ō rātou nawe. 

.