Kaupapa: Rugby League

Warriors secure finals spot

Ruth Smith, Tamati Tiananga
  • Tāmaki Makaurau

Ko te pōautinitini kua tō atu, ā, e pōhiri mai ana ngā Warriors ināianei i ngā whiringa whāiti.

Kua ea te kupu a te tokorua tautōhito o te kapa, a Adam Blair rāua ko Tohu Harris, e riro nei mā rāua tō rāua kapa hai arahi ki te puna waru NRL.

Kua rongo kē a Blair rāua ko Harris i te tāwara o angitū, i a rāua e tākaro ana ki te kapa Melbourne Storm i ō rāua anō wā.  Ko Blair tērā i te 2009, ā, ko Harris i whai wāhi nui ki te whiringa toa i toa ai te kapa Storm, e toru tekau mā whā ki te ono, ki te kapa Cowboys.

Heoi anō ko tā Kearney aro nui ko te tukinga ki te kapa Raiders hai te Pōmere e whai nei kia raru te putanga toru rau o Simon Mannering ki te whīra.

Tīmata ai te kēmu ki Te Pā o Rarotonga hai te waru karaka.