Kaupapa: Basketball

Trans-Tasman Indigenous series tips off

Ruth Smith, Tamati Tiananga
  • Waikato/Te Waiariki

E ai ki te kaitiaki poi o te kapa Super City Rangers, ki a Daniel Green, e pākikini tonu nei te mamae o tō rātau hinganga i te kapa  taketake o Ahitereira, i tau kua pahemo.

"E kore e pai ana te āhuatanga kia kore e wikitōria ai ki runga i ngā tāngata nō Ahitereiria.  He whakataetae tino nui tēnei ki ahau ki ngētehi atu o ngā tāngata ki roto i te tīma," te kōrero a te kaiārai poi, a Daniel Green.

I a rātau ka whai nei kia toa, kua whakahokia mai e te kapa tētahi o ngā tautōhito o tēnei kapa i roto i ngā tau, ko te kaitiaki poi o te kapa Hawkes Bay Hawkes, ko Everard Bartlett.

E rikarika ana a Bartlett ki te tuki rae ki te rae ki ngā matamatahuānga o Te Moana Tāpokopoko a Tāwhaki, ā, e ai ki a ia he wheako nui whakaharahara tēnei mō te hunga rangatahi ki te kapa.

Kua toa i te kapa taketake o Ahitereiria ngā whakataetae e toru kua pahemo, ā, i tēnei tau kua uru mai ētahi o ngā whetū o te ao poitūkohu pēnei i te poumua o mua o te kapa Melbourne United, a Chris Patton me te kaitiaki poi o te kapa Townsville Crocodiles, me Chris Cedar.  Heoi anō, e ai ki te Kaiako o te kapa Māori ki a Jeff Green, e kore e pahawa te wikitōria tuawhā.

Tīmata ai te kēmu hai te 7 karaka ā te pō nei ki te whare o Te Awamutu Events Centre.