He uri nō Ngāti Pikiao i ārahi i te kapa Queensland ki te wikitōria i te tākaro State of Origin tuatahi ināpō i Poihākena. I tū mārō hītararī mai te kapa Queensland i te pae o te riri ki te eke ki te taumata
Nā whai anō ngā karanga a New South Wales kia tīnihia ngā kaiwawao hei te tākaro tuarua.
Ko wai i paku mōhio nā te Māori anō i toa matatū ai i te tākaro riiki Ahitereiria o te tau?
E ai kit e paehau o Queensland a Dane Gagai, “It's just a massive rush of adrenaline, it's hard to explain but you know you're scoring that try for everyone north of the border.”
Inā te kapa New South Wales e nōhia nei e te pōkēao o hinganga ināpō i te taiwhanga o ANZ, Poihākena. Ahakoa ko rātou te tuatahi ki te piro - kāre tonu te mana taiwhanga kāinga mō te tō i wikitōria ki runga i a rātou.
Hei tā te Kāpene o New South Wales a Paul Gallen, “We're going to get better as the series goes on. We had opportunities but, you know, Queensland are a good side and they managed to hold us out.”
Ā, koia katoa i pupū ake i te mīneti ono tekau mā rima. Tērā te whakatewhanga a ngā kaiwawao me ngā kāmera hōmiromiro - kāre te piro i awa
Hei tā te kaiako matua o New South Wales a Laurie Daly kit e hunga pāpaho, “Put it this way, I'll be asking for those two referees not to be officiating in Game Two, there's your story.”
He tangiweto, he tangimeme rānei i te kapa New South Wales. E whakaae ana te kapa Queensland i hanga waimaria hoki rātou ināpō.
“Being honest we did get some honest calls. Some favourable calls, and you need that to win at this level,” hei tā te Kaiako Matua o Queensland a Kevin Walters.
Kāti, he hautoa rārangi poumuri NSW i tipatere ki uta i te wehengarua. I kitea hoki ko te pakari ārai Māori a Gagai.
Hei tā Gagai, “It's great to be back in the team and I knew that I had to go in and do one thing and that was go in and do my job for the team.”
Uhi tai ana ngā whakawākanga ki te poumuri Maroons, i a Sam Thaiday mō āna kupu. E wehe atu nei i Poihākena mō Tāmaki Makaurau mō te tākaro a te kapa Broncos ki ngā Tamatoa hei ēnei rangi whakatā.
Ā, e mate ana ngā Queenslanders ki te whakataupoki ake i te kohinga tākaro ki tōna tuaruatanga ki te taiwhanga o Suncorp hei ngā wiki e toru.