Ngā kaupapa: Indigenous, World Masters Games

Ngā toki kaitākaro wāhine e whai tūnga ana ki roto i te kapa o Aotearoa

Mere McLean
  • Waikato/Te Waiariki

E manako nei a Tina Osborne, te whakaihu waka wāhine toa mo te whiu kōpere o Aotearoa kia whakakanohi ia i a Aotearoa ki te ipu WDF mo ngā whenua nō Āhia, Te Moana nui a Kiwa hoki ka tū ki Korea ki te tonga. Kei ōna rekereke te toki nei a Judy Fenton nā ngā i riro te taitara toa mo te wāhanga wāhine ki te whakataetae ā motu mo te whiu kōpere e tū ana ki Rotorua i tēnei wiki. E aruaru ana te toa tūranga tuangahuru o te ao i ngā tino toki o te wā “He wairua anō ka tau mai, ā, hei hiki i a koe. I te whakataetae ā motu mo te whiu kōpere a Osborne i tēnei wiki. “He nui tonu ngā kaitākaro wāhine kei te pakari haere, hei whakamātautau i anō i ahau”. Kei te tūnga tuawhā o Aotearoa a Judy Fenton, nō te tau rua mano mā toru timata ai ōna mahi whiu kōpere, nō te Rāapa kua huri i riro ki a ia te taitara mo ngā wāhine. “Ka piki aku tatau ki roto i te WDC, PDO NZ, ā, ka rawe hoki ngā pūtea”. I noho a Fenton hei kanohi mo Aotearoa ki te taha o Osbourne i te tau ka huri me tana hiahia kia eke anō ki tērā taumata. Ki tō Bob Wilson, heamana mo te kaunihera whiu kōpere o Aotearoa he nui tonu ngā kaitākaro wāhine kei te piki mai. “Tekau mā wha te pakeke o Taylor Marsh-Kahaki koia hoki tētahi i tohu hei whakakanohi i a Aotearoa i te tau ka huri kia tae ia ki Hāpani koia tētahi o ngā kaitākaro rangatahi hoki”. Ka whakaingoa te kapa o Aotearoa ka tae ki te Ipu WDF ki Korea ki te Tonga hei te pō nei.