Life Membership for Lifetimes Service

James Perry

Kua whakaingoatia a Waka Nathan hei mema koiora o te Poari  Whutupōro Māori i te hui-ā-tau i tū ki te Whanganui ā Tara i te Pōapa ka hōri. 

I tapaina te ingoa mōkai Black Panther ki runga i a ia, ā i takaro tuatahi ai ia mō Tāmaki Makaurau i te tau 1959, 19 noa tōna pakeke, ka mutu i whai wāhi atu ia ki te kapa Ōpango me te kapa Ōpango Māori mō ngā tau e whitu ka whai atu.

14 ōna whakamātautau mō te kapa Ōpango, te katoa he wikitōria.

I tōna rītaiatanga ka noho ia hei kaiwhiriwhiri mō te kapa Ōpango Māori, koia tonu te kaiwhakahaere o te haerenga o te kapa ki Wēra me Pāniora i te tau 1982.

He wā anō tōna i noho ia ki te kaunihera o te Ūniana Whutupōro o Aotearoa.

Ko te Waka Nathan Challenge Cup te ingoa o te whakataetae whakaharatau ō ngā karapu ō Tāmaki Makaurau, he tohu o tōna mana ki tāua takiwā.

Hei tā Tākuta Farah Palmer, te kaihautu o te Poari Whutupōro Māori, inā te mahi kua oti i a Nathan e whakawhanake, e whakatairanga ai te whutupōro Māori ki te ao. I runga i te papatakaro, i roto i ngā tari whakahaere, ka mutu ko te hōnore kua utaina ki runga i a ia he whakamiha mō aua mahi, ā haere ake nei.