Kaupapa: Commonwealth Games

Kua toa a King i te tukinga tuatahi ki a Wēra

updated Rahia Timutimu
  • Ahitereiria

I riro te tāhuna i te kaitākaro poipātu o Ngāti Porou, i a Joelle King, i tana tukinga tuatahi ki a Deon Saffery nō Wērā inapō rā, he toru ki te kore te hua whakamutunga. 

Ka noho mai ko te kaitākaro nō Mareia a Sivasangari hei whewheia mō te toa kei te tūranga tuawhā o te ao, mō Joelle King a te pō nei.

Arā ia te manako, ka eke a King ki ngā whiringa whānui o te whakataetae. I riro i a King te mētara rauwhero i ngā Taumāhekeheke Hoa Whenua ki Glasgow i te tau rua mano tekau mā whā.

E whāia ana a Joelle King e tā mātau karere, e Rahia Timutimu. I tae a tinana atu a ia ki te kēmu inapō ra, ā, i kōrero tahi a Rahia me te toki nei. Hei tā King e oranga ngākau ana ia.