Kaupapa: Rugby

Kua mauheretia tētahi tāne nō Pōneke mō te mau tīkiti Raiona kua tāhaetia

  • Te Whanganui-ā-Tara

He tāne no Te Awakairangi kua hāmenetia mō te mau tīkiti kua tāhaetia mō te tukinga Ōpango ki ngā Raiona.

E whakapaetia koinei nga tīkiti i whānakohia i tōna taenga ki tētahi kāinga i Te Whanganui a Tara i tēra marama. 

Hei tā ngā Pirhimana, koinei te kēhi tuatahi o te whanako tikiti haerenga Lions e mōhiotia ana.

I whakamōhiotia ngā Pirihimana ki te whanakotanga i ngā tikiti e rua ka whakaatatia ki runga o TradeMe mō te kotahi mano tāra, nā tētahi whanaunga o te kaihara i pōhi.

Hei tā te wharangi o TradeMe e kore rawa rātou mō te whakaae ki te hokotanga o ngā tikiti Lions, ā, ka tango mai inā ka whakaatatia.  

Hei te tekau ma rua o Piripi tū ai te kaihara ki te kōti o Pōneke. Hei tā ngā pirihimana he nui ngā rawa kua whakaū kia whakakorea i ngā hara pēnei e hua mai anō. 

I tau mai ngā kapa Raiona ki roto o Aotearoa i te wiki, ā whanake ake tō rātou tukinga tuatahi ki ngā NZ Barbarians hei āpōpō ki te taiwhanga o Toll i Whangarei.