Kua hono atu a Maia Wilson ki te kapa Mojo Pulse

Kua hono atu te kōhine tekau mā whitu tau te pakeke a Maia Wilson ki te kapa Mojo Pulse mō te tau tākaro e heke mai nei.

He pūmanawa nō te Kura Tuarua o Te Puna o Wairaka kua tāngia te kirimana tākaro kotahi tau te roa mō te kapa nō te Whanganui ā Tara.

Whai muri i te kōrero tahi me ōna mātua, ka puta te whakatau i a Maia kia waiho ngā mahi Poitūkohu kia whai atu ana tūmanako i te ao Poitarawhiti.   

I huri tuara ia i tētahi karapu Poitūkohu no Te Whare Wānanga o Idaho kia tutuki i tōna wawata ki te tākaro i te tauwhāinga ANZ.   

Ko ia te teina o ngā kaitākaro katoa kua kitea ki roto i te kapa Mojo Pulse, ka piri atu ia ki ngā momo pēnei i a Phoenix Karaka rātou ko Elias Shadrock, Ameliaranne Wells me te huhua noa atu.  

Kua whakakanohi ia i a Aotearoa ki roto i nga mahi Poitūkohu, Poitarawhiti hoki, nō mua rā ano ia i takaro mo te tira Tall Ferns.  I tērā marama i whakamātauria ia mō te kapa Rarauhe hiriwa.

Engari mō naianei ko te whāinga kia tutuki i a ia ngā mahi a kura.