Ko te ra tuatahi o te whakataetae Waka Ama Takapuna Beach Cup

Tema Hemi
  • Tāmaki Makaurau

Ko te ra tuatahi tēnei o te whakataetae Waka Ama 'Takapuna Beach Cup'. Mō te wa tuatahi he kapa hōu no Hingapoa kua tatu mai, ā ka wero atu ki ngā mana nui o te ao Waka Ama me te manako ia ka eke rātou ki ngā taumata.

Ko te tuatahi o ngā hoe maha kei te haere mō tēnei kapa no Hingapoa. Nō te hokinga mai ki te kāinga he nui ngā taumahatanga, ehara i te mea he māmā te huarahi ki Aotearoa. I whiwhi ai tēnei kapa i ngā mātauranga a ngā hau tipua o te ao Waka Ama, kia eke ai rātou ki taumata kē. Kotahi mano toru rau ngā kaihoe ka whakataetae i roto i ngā rangi e toru e kainamu mai nei. 

Ko tā Brian Matila o te karapu o Hingpoa , "I a te tau ki roto o Hingapoa he whakataetae Waka Ama ka tu e kīa nei ko te 'Country of Origin' koira te wa e whakakao mai te hunga nō Aotearoa ki te wāhi kōtahi. Mai i reira i puawai mai ai mātou karapu ko tēnei te wa tuatahi mātou whakataetae ai ki tāwāhi. Ehara i te mea he tino uaua i te mea kua hoki mai ki te kāinga nōreira e hīkaka ana mātou. E kore kau he pūtea taunaki ma mātou ā ma mātou tonu e whakautu. Mō te taha ki ngā whakangūngū e rima ngā ra ki runga i te wai e wha ngā ra ki roto i te whare pakari tinana. Ko te whai akoranga mai i ngā karapu katoa i te mea e tino kaha ana ngā karapu o konei. I parakatihi mātou me te karapu o Taniwha, kīhai mātou i parakatihi pērā me tērā momo wairua kaore au i te mōhio he ahah te take i pērā ai. Ko te tino hiahia kia whakahoki ēnei pukenga ki ngā mema o ta mātou karapu."
 

I whai wāhi atu a Tupuria Kingki te āwhina i a rātou, anei ko tāna, "I tērā tau i te marama o Nōema i whai wāhi atu au ki te haere ki Hingapoa ki te whakahaere ētahi karaehe hei whāngai i ngā kaihoe i reira ehara ma ngā kapa o Aotearoa engari ma ngā kaihoe katoa o taua rohe. Tē hia nei au he nui te Waka Ama ki reira."