Kaupapa: Rugby League

Ko Taniwharau hai whakaihu waka

Ruth Smith
  • Waikato/Te Waiariki

Rutua ana he kapa, ara mai ana he kapa.

Ko te kapa o Hukanui tērā, hai whakaihu waka mō te whakataetae Premier Reserve.  Whakakitea ai e rātau tō rātau kaha, i te hinganga o te tangata whenua, o Taniwharau i a rātau.  E toru tekau mā whā ki te tekau mā rua.

Ehara noa iho i te wikitōria ki ngā kaitākaro, te kī a te kāpene o Hukanui, a Zane Milliken, engari kē ia ka whātoro atu ki ngā kaitautoko he rite tonu te tae atu ki te whakaihiihi i tō rātau nei kapa.

Ko te whakataetae i kitea i te hunga mātakitaki hoki.  Ahakoa tiro pēhea ko te kākariki me te kōura i kitea, hai tohu i te tautoko nui a te haukāenga i tō rātau tīma e tuki ana ki te kapa o College Old Boys.

Nāwai i hākoakoa te wairua o te hui kātahi ka koa kē atu i te taenga o te kaitākaro o te kapa Newcasle Knights, o Kalyn Ponga, hai whakawhiwhi i te taonga nui ki te kapa toa.

Hinga ai te kapa College Old Boys i a Taniwharau e rua tekau mā waru ki te tekau mā rua, ā, mutu ana te whatinga o Taniwharau hai toa whakaihu waka mō te rohe.