Karate Reo Māori

James Perry

He hanumitanga o te Ao Māori, me te ahurea Hāpāni i ngā mahi Kyokushin Karate o MAK Dojo.

He whare karate e noho nei ki ngā Marae o Manurewa me Tāhuna Pā i Waiuku. 

Kua āhua rua tekau tau a Kapi Peita e whai ana i ngā mahi Kyokushin. Hei tāna, kua uru atu ngā tauira i runga i ngā mātāpono Māori. "Ko te arohaina o tētahi ki tētahi. He tāonga te ngākau māhaki. He mana tō te akiaki. Nō reira mā tō tātou Reo Rangatira erā uaratanga e kawea atu."

Hei tā Peita anō, kua piki haere te nama o ngā tauira kua uru atu kia MAK Dojo i roto i ngā tau. Ko te noho māori nei te Reo Māori tētahi o ngā hua kua puta. "Harikoa ana ngā mātua me te hāpori, i te mea ka kawea tonutia tō tātou reo ki waho i ngā kura, ki roto i te kaupapa nei, ki runga hoki i ngā marae."

Ko te tino hiahia ō Peita, kia kite i ngā tamariki nei e koke ngātahi nei i ngā ao e rua nei. "Kia whāia e ngā tauira tēnei kaupapa nei kia tae ki tōna angitū, me te mau ake i te kōrero i tō tātou reo. Me haere ngātahi, koirā te tino hiahia o ngā hiahia."

Hei te Whiringa ā Nuku, pōwhiritia ngā karapu Kyokushin e MAK ki te whakataetae ō te Raki ka tū ki Waiuku.