Ko Faine Kahia tērā e whaia ana i āna moemoeā i te ara tere o angitū. Nōna tata nei rere atu ai te kaihautu waka reihi ki Malaysia, ki reira whakamātau i tōna waka tere hou. Inaianei e aro nui ana ia ki te whakataetae nui taioreore o te Formula 4 South East Asia Championship.
Ko Faine Kahia, tekau ma iwa tau te pakeke te whakatinanatanga mai o te kōrero, tama tū tama ora.
Nōna tata nei tonu rere atu a Faine ki Malaysia ki te whakamātau i tōna waka Renault Powered F4. Ā, nā wai rā ka eke panuku ia ki runga ake i ngā kaihautū waka puta noa i te ao i ngā whakamātautau e waru. Heoi e noho puku ana te uri nō Tūwharetoa i a ia e aro ana ki ngā whakataetae nui taioreore South East Asia Champs hei te Here Turi Kōka.
Hei ta Kahia, “I'm not nervous at all, I'm feeling very confident because I was really fast and my pace was really fast and I was on the top and not by a little bit but by a lot and I still know that there's time in there because the cars are new.”
Heoi he roa tonu te ara kei mua i a ia. Nā whai anō he nui tonu ngā aweto ā tinana, ā pūtea hoki i mua tonu i tana haere ki Āhia.
“I gotta loose another bout 6-7 kilos for the race car. To get the ultimate performance out of the car you have to be at a good weight. But our biggest challenge at the moment is sponsorship so we still need to get a lot of the funding together which is always going to be a challenge. The whole season coast 100,00euros and believe it or not the F4 is the cheapest category in the world.”
Waimarie tonu ia he nui ōna kaitautoko i te kainga. Nā ngā pūtea tautoko o Tūwharetoa Might River Developement, Gilltrap Group, me tōna whānau, e ārikarika ana ngā whakaaro a Faine, ka hoki mai ki te ūkaipō hei te mutunga wiki, ki te taiopenga nui e kō tata mai ana.