Kaupapa: Rugby

He whakakore i ngā hapa o tērā tau te aronga a te kapa whutupōro takiwhitu o Aotearoa

  • Te Whanganui-ā-Tara

Kaua rawa rā e whakarapa i ngā kappa pēnei i a Kenya. Koinā te whakahau a tā Gordon Tietjens, kaiako o te kapa whutupōro takiwhitu o Aotearoa, ahu atu ana ki te whakataetae o Pōneke hei ngā rangi okioki e tū mai nei.

I te papa tākaro o Porirua whakangungu ai te kapa i raro i ngā ihi o te rā I te rangi nei ki te whakarite me pēhea e whai utu ai rātau mot ā rātau hinganga ki   te kapa Kenya i tērā tau.

Tokorua ngā kaitākaro ka poroa āpōpō. Nā reira te ihu oneone a DJ Forbes me tōna tira i runga i te papa tākaro i tēnei rangi.

A, nā te kaha pīrata o ngā kaiako pēnei i a Gillies Kākā me Ambrose Curtis o Rongotai, kei te rīrā te āhua o te kapa.

Engari whai muri i te hinganga ki a Kenya i tērā tau, kua mōhio pai te kapa, taihoa e puta ki mua whakapi ai ngā hua.

Hēoi, he kaukau ki tātahi i te taone o Pōneke te utu i ngā whakahekenga werawera o te papa tākaro. E whakahari anō I ngā kaitautoko. 

Hei āpōpō ka tuki atu ki a Ahitereiria hei whakangungu noa iho, ā, whai muri i tēnā whakaputaina ai e Tietjens tōna tīma mō te whakataetae nei.